ଭୁବନେଶ୍ବର: ବିଜେବି ସ୍ବୟଂଶାସିତ ମହାବିଦ୍ୟାଳୟରେ ଛାତ୍ରଛାତ୍ରୀଙ୍କୁ ବଣ୍ଟା ହେଲା ଲାପଟପ। ଖୋର୍ଦ୍ଧା ଜିଲ୍ଲାର 355 ଜଣ ଛାତ୍ରଛାତ୍ରୀଙ୍କୁ ଲାପଟପ ବଣ୍ଟନ କରାଯାଇଥିବାବେଳେ ଆସନ୍ତା 27 ତାରିଖ ସୁଦ୍ଧା 1620ଟି ଲାପଟପ ବଣ୍ଟାଯିବାର କାର୍ଯକ୍ରମ ରହିଛି । କେବଳ ଖୋର୍ଦ୍ଧା ନୁହେଁ ସମସ୍ତ ଜିଲ୍ଲାରେ ଏଭଳି କାର୍ଯକ୍ରମ ଜାରି ରହିଛି।
ତେବେ ପ୍ରତିବର୍ଷ ଯୁକ୍ତ ଦୁଇ ପରୀକ୍ଷାରେ ଭଲ ନମ୍ବର ରଖିଥିବା 15 ହଜାର ମେଧାବୀ ଛାତ୍ରଛାତ୍ରୀଙ୍କୁ ଲାପଟପ ବଣ୍ଟନ କରୁଛନ୍ତି ରାଜ୍ୟ ସରକାର। ରାଜ୍ୟ ଯୁବ ସଶକ୍ତିକରଣ ବିଭାଗ ପକ୍ଷରୁ ଏହି କାର୍ଯକ୍ରମ ହାତକୁ ନେଇଛନ୍ତି ସରକାର । ଏଥିପାଇଁ ବର୍ଷକୁ 40ରୁ 50 କୋଟି ଟଙ୍କା ଖର୍ଚ୍ଚ ହେଉଛି । 2013ରୁ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମ ଜରିଆରେ 1ଲକ୍ଷ 5 ହଜାର ଲାପଟପ ବଣ୍ଟନ କରିସାରିଛନ୍ତି ରାଜ୍ୟ ସରକାର। ଏହାଦ୍ବାରା ଛାତ୍ରଛାତ୍ରୀଙ୍କ ମଧ୍ୟରେ ଉତ୍ସାହ ଜାଗ୍ରତ ହେବ ଏବଂ ଛାତ୍ରଛାତ୍ରୀ ଭଲ ପାଠ ପଢିବାକୁ ପ୍ରୟାସ କରି ଦେଶର ଭବିଷ୍ୟତ ଉଜ୍ବଳ କରିବେ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
