ଅର୍ଚ୍ଚନାଙ୍କ ଠାରୁ ଜବତ ହାର୍ଡ ଡିସ୍କରେ କାହାର ଭିଡିଓ, ପାଓ୍ବାର କରିଡରରେ ଛନକା !

ଲେଡି ବ୍ଲାକ ମେଲର ଅର୍ଚ୍ଚନାଙ୍କ ଠାରୁ ଜବତ ହାର୍ଡ ଡିସ୍କରେ କଣ ରହିଛି । ଯାହାକୁ ନେଇ ପାଓ୍ବାର କରିଡରରେ ହଲଚଲ୍‌ । କିଛି ରାଜନେତା ଏବଂ ପ୍ରଶାସନିକ ଅଧିକାରୀଙ୍କ ସହ ସମ୍ପର୍କ ରଖିଥିଲେ ଅର୍ଚ୍ଚନା । ସେମାନଙ୍କ ସହିତ ଅନ୍ତରଙ୍ଗ ମୁହୁର୍ତ୍ତର ଭିଡିଓ ନାହିଁ ତ ଏହି ହାର୍ଡ ଡିସ୍କରେ । ଏହି ପ୍ରଶ୍ନ ଏବେ ସମସ୍ତଙ୍କ ମନରେ । ଅଧିକ ପଢନ୍ତୁ

ଭୁବନେଶ୍ବର: ଲେଡି ବ୍ଲାକ ମେଲର ଅର୍ଚ୍ଚନାଙ୍କ ଠାରୁ ଜବତ ହାର୍ଡ ଡିସ୍କରେ ଏମିତି କଣ ରହିଛି ଯେ ଯାହାକୁ ନେଇ ପାଓ୍ବାର କରିଡରରେ ହଲଚଲ । କିଛି ରାଜନେତା ଏବଂ ପ୍ରଶାସନିକ ଅଧିକାରୀଙ୍କ ସହ ସମ୍ପର୍କ ରଖିଥିଲେ ଅର୍ଚ୍ଚନା । ସେମାନଙ୍କ ସହିତ ଅନ୍ତରଙ୍ଗ ମୁହୁର୍ତ୍ତର ଭିଡିଓ ନାହିଁ ତ ଏହି ହାର୍ଡ ଡିସ୍କରେ । ଏହି ପ୍ରଶ୍ନ ଏବେ ସମସ୍ତଙ୍କ ମନରେ ।

ଅର୍ଚ୍ଚନାଙ୍କ ଫାସରେ ରାଜ୍ୟ ରାଜନୀତିର ଅଧାରୁ ଅଧିକ ନେତା ଫସିଥିବା କୁହାଯାଉଛି । ଫଳରେ କାର୍ଯ୍ୟାନୁଷ୍ଠାନ ଭୟରେ ପାଓ୍ବାର କରିଡରରେ ପ୍ରମାଦ ଗଣିବା ଆରମ୍ଭ ହୋଇଯାଇଛି । ଖୋଲୁଛି ମାୟାବୀନି ଅର୍ଚ୍ଚନା ମାୟାଜାଲର ଗୁମର । ସାମ୍ନାକୁ ଆସିଲାଣି ଅର୍ଚ୍ଚନା ସହ ଏକାଧିକ ଲୋକଙ୍କ ସମ୍ପର୍କ । ପାଓ୍ବାର କରିଡରେ ସେହି ଲୋକମାନଙ୍କର ରହିଛି ପ୍ରଭାବ । ଅର୍ଚ୍ଚନା ଗିରଫ ପରେ ରାଜ୍ୟ ରାଜନୀତିରେ କମ୍ପନ ସୃଷ୍ଟି ହୋଇଛି । କାରଣ ଅର୍ଚ୍ଚନା ଙ୍କ ସହ ନେତା, ମନ୍ତ୍ରୀ, ହେଭିଓ୍ବେଟଙ୍କ ଫଟୋ ସୃଷ୍ଟି କରିଛି ଝଡ ।

ବର୍ତ୍ତମାନର ଆଇନ ମନ୍ତ୍ରୀ ଜଗନ୍ନାଥ ସାରକାଙ୍କ ସହ ଫଟୋ, ସାଂସଦ ଜୁଏଲ ଓରାମ, ବିଧାୟକ, ପୂର୍ବତନ ବିଧାୟକ, ସୁର ରାଉତରାୟଙ୍କ ପୁଅଙ୍କ ସହ ମଧ୍ୟ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ଯାହାକୁ ନେଇ ଏବେ ଅର୍ଚ୍ଚନା ଲିଙ୍କରେ ଥିବା ପାଓ୍ବାର କରିଡରର ହେଭିଓ୍ବେଟଙ୍କ ମଧ୍ୟରେ ଭାଳେଣି ପଡିଲାଣି । କାରଣ ଚର୍ଚ୍ଚା ହେଉଛି ଏସବୁକୁ ନେଇ ପାଓ୍ବାର କରିଡରରେ ଏକ ତାଲିକା ପ୍ରସ୍ତୁତ ହେଉଛି । କେଉଁମାନେ ଯାଇଥିଲେ ଅର୍ଚ୍ଚନାଙ୍କ ରାଜ ଉଆସ । କାହା ସହ ରହିଛି ଅର୍ଚ୍ଚନାଙ୍କ ସମ୍ପର୍କ । କେଉଁମାନେ ଏ ସବୁ କଥା ଜାଣି ଚୁପ ରହିଛନ୍ତି । କେଉଁ ଅଫିସରଙ୍କ ଛତ୍ର ଛାୟାରେ ଅର୍ଚ୍ଚନାଙ୍କୁ ଦିଆଯାଇଥିଲା ସୁରକ୍ଷା ।

ପୂର୍ବରୁ ଗଣ୍ଡା ଗଣ୍ଡା ଅଭିଯୋଗ ପରେ କେତେ ଜଣ ଏସବୁ ଜାଣି ଚୁପ ରହିଥିଲେ । ଏମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଏବେ ପ୍ରକ୍ରିୟା ଆରମ୍ଭ ହୋଇଥିବା ସୂଚନା ମିଳିଛି । ପାଓ୍ବାର କରିଡରରେ କିଛି ମୁଣ୍ଡ ଗଡିବାର ସଂକେତ ମଧ୍ୟ ଆସୁଛି । ଯାହାକୁ ନେଇ ଏବେ ଛାନିଆ ପାଓ୍ବାର କରିଡର ।

ଅନ୍ୟପଟେ ସାମନାକୁ ଆସିଛି ଅକ୍ଷୟ ପରିଜାଙ୍କ ଅଭିଯୋଗ । ନୟାପଲ୍ଲୀ ଥାନାରେ ହୋଇଥିବା ଏତଲା । କିଭଳି ଅର୍ଚ୍ଚନା ତାଙ୍କ ସମ୍ପର୍କରେ ଆସିଥିଲେ । କିପରି‌ ଫସିଥିଲେ ଆଉ କିପରି ବ୍ଲାକମେଲର ଶିକାର ହୋଇଥିଲେ ସେନେଇ ଏଫଆଇଆରରେ ଉଲ୍ଲେଖ କରିଛନ୍ତି ଅକ୍ଷୟ । ଅକ୍ଷୟଙ୍କ ଘଟଣା ପରେ କର୍ପୋରେଟ ହାଉସର‌ କିଛି ହେଭିଓ୍ବେଟ ଓ ରାଜ୍ୟ ବାହାରର ବ୍ୟବସାୟୀଙ୍କ ମଧ୍ୟରେ ଭାଳେଣି ପଡିଲାଣି । ଯେଉଁମାନଙ୍କର ଅର୍ଚ୍ଚନା ସହ ଫଟୋ ଥିଲା ସେମାନେ ଏବେ ସୋସିଆଲ ମିଡିଆରୁ ଫଟୋ ଡିଲିଟ କରିବା ଆରମ୍ଭ କଲେଣି । ରାଜଧାନୀର‌ ଜଣେ ସୁନା ବ୍ୟବସାୟୀଙ୍କ ଏହି ଫଟୋ ଡିଲିଟ ଏବେ ଏହି ଚର୍ଚ୍ଚାକୁ ଅଧିକ ବଢାଇଛି । ବଡ କଥା ହେଲା ଅର୍ଚ୍ଚନାଙ୍କ ସ୍ବାମୀ ବିଜେଡିରେ ଥିବାରୁ ନେତାଙ୍କ ସହିତ ଅର୍ଚ୍ଚନାଙ୍କ ସମ୍ପର୍କ ନେଇ ବିରୋଧି ସିଧା ସିଧା ବିଜେଡିକୁ ଟାର୍ଗେଟ କରିଛନ୍ତି । ତେବେ ପୋଲିସର ଆଗକୁ କଣ କାର୍ଯ୍ୟାନୁଷ୍ଠାନ ହେଉଛି ଏବେ ତାରି ଉପରେ ସମସ୍ତଙ୍କ ନଜର ।

ଇଟିଭି ଭାରତ, ଭୁବନେଶ୍ବର