ଭୁବନେଶ୍ବର: ରାଜ୍ୟରେ ଯେଉଁଭଳି ଭାବରେ କୋରୋନା କାୟା ବିସ୍ତାର କରୁଛି ତାହା ସରକାରଙ୍କ ଚିନ୍ତା ବଢାଇଛି । ଏଥିଲାଗି ବାହାରୁ ଆସୁଥିବା ପ୍ରବାସୀ ଓଡିଆଙ୍କ ପାଇଁ 28 ଦିନିଆ କ୍ବାରେଣ୍ଟାଇନ ବ୍ୟବସ୍ଥା କରାଯାଇଛି । ଯେଉଁଥିରେ 21 ଦିନ ସରକାରୀ କ୍ବାରେଣ୍ଟାଇନରେ ଓ 7 ଦିନ ନିଜ ଘରେ ହୋମ୍ କ୍ବାରେଣ୍ଟାଇନରେ ରହିବେ ବୋଲି କୁହାଯାଇଛି । ତେବେ ଏହି ସାତ ଦିନ କିଭଳି ରହିବେ ସେନେଇ ଆଜି ସବିଶେଷ ତଥ୍ୟ ଦେଇଛନ୍ତ ସରକାରଙ୍କ ମୁଖପାତ୍ର ସୁବ୍ରତ ବାଗଚୀ ।
ଏହି 7 ଦିନ ପାଳନ କରିବାକୁ ଥିବା ନିୟମ ବାବଦରେ ଆସନ୍ତୁ ଜାଣିବା...
- 7 ଦିନ ଘରେ ରହିଲେ କିଛି ନିୟମ ମାନିବାକୁ ପଡିବ।
- ଘରେ ରହିଥିଲେ ମଧ୍ୟ ଅଲଗା ରହିବେ।
- ଗାଁ ଦଣ୍ଡକୁ ବାହାରିବେ ନାହିଁ।
- ଘରେ ଯଦି ବୟସ୍କ ଲୋକ ଛୁଆ, ଗର୍ଭବତୀ ମହିଳା ଅଛନ୍ତି ସେମାନଙ୍କ ପାଖକୁ ଯିବେ ନାହିଁ।
- ଗାଁରେ ଅନୁଷ୍ଠିତ ହେଉଥିବା ବାହାଘର ଓ କିଛି ଅନୁଷ୍ଠିତ କାର୍ଯ୍ୟକ୍ରମକୁ ଯିବେ ନାହିଁ।
- ଘରେ ଯେଉଁ ଜିନିଷ ବ୍ୟବହାର କରୁଛନ୍ତି ତାହା ଅନ୍ୟ କେହି ବ୍ୟବହାର କରିବେ ନାହିଁ। ଯାହାଫଳରେ ଅନ୍ୟ ଜଣଙ୍କୁ ସହଜରେ ସଂକ୍ରମଣ ହେବ ନାହିଁ।
ସେହିପରି ଘରେ ରହିଥିବା ବୃଦ୍ଧ ଓ ଭିନ୍ନକ୍ଷମମାଙ୍କ ପାଇଁ କଣ କରିବା ଉଚିତ ?
- ଘରେ ରହିଥିବା ବୃଦ୍ଧ ଓ ଭିନ୍ନକ୍ଷମ ମାନଙ୍କ ପାଇଁ 6 ରୁ 8 ଥର ହାତ ଧୋଇବା।
- ସବୁଦିନ ପିନ୍ଧୁଥିବା ପିନ୍ଧାଲୁଗା ଧୋଇଦେବା।
- ତାଙ୍କ ବିଛଣା ଖରାରେ ସୁଖାଇବା।
- ଟିଭି, ଝରକା କବାଟକୁ ଧରିଲେ ଭଲ ଭାବରେ ହାତ ଧୋଇବା।
- ଘରକୁ କିଏ ଆସିଲେ ତାଙ୍କ ଠାରୁ ଦୂରେଇ ରଖିବା ସହ ଫୋନରେ କଥା କରାଇଦେବା। ପୂଜା ଘରେ ରଖିକି ଭଜନ ଶୁଣାଇବା।
- ତାଙ୍କର ନିଜ ପସନ୍ଦର ଖାଦ୍ୟ ରୋଷେଇ କରାଇଦେବା।
- ଅତି ଦରକାର ନଥିଲେ ଡାକ୍ତରଖାନାକୁ ଯିବା ନାହିଁ।
- ଚିହ୍ନପରିଚିତରେ ଡାକ୍ତର ଥିଲେ ତାଙ୍କ ସହ କଥାବାର୍ତା ହେବା ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
