ଭୁବନେଶ୍ବର: ବଜାରରେ ଆକାଶ ଛୁଆଁ ହୋଇଛି ଦରଦାମ । ପେଟ୍ରୋଲ ଡିଜେଲଠୁ ନେଇ ଅତ୍ୟାବଶ୍ୟକ ସାମଗ୍ରୀର ମଧ୍ୟ ଦର ବଢିଛି । ବାଦ୍ ପଡିନି ପନିପରିବା । ପରିବା ଦର ବୃଦ୍ଧି ଗ୍ରାହକଙ୍କ ପକେଟ ଜାଳୁଛି । ଦର ଦେଖି ଗ୍ରାହକ ୧ କେଜି ବଦଳରେ ୨୫୦ ଗ୍ରାମ ପରିବା ଆଣୁଛନ୍ତି । ମଧ୍ୟବିତ୍ତ ପରିବାରଙ୍କ ଅବସ୍ଥା ଏପରି ଥିବା ବେଳେ ଗରିବ ଶ୍ରେଣୀଙ୍କ କଥା ନ କହିବା ଭଲ । ଅହେତୁକ ଦର ବୃଦ୍ଧି ସେମାନଙ୍କୁ ଅସ୍ତବ୍ୟସ୍ତ କରିଛି । ଆଗରୁ ଯେଉଁ ସାପ୍ତାହିକ ହାଟରେ ଗ୍ରାହକଙ୍କ ଭିଡ଼ ଜମୁଥିଲା ଏବେ ତାହା ଖାଁ ଖାଁ ହୋଇଛି । ପରିବା ପାଇଁ ବଜାରକୁ ଗଲେ ପକେଟ ଖାଲି ହେଉଛି ହେଲେ ବ୍ୟାଗ ଭର୍ତ୍ତି ହେଉନାହିଁ । ଲେମ୍ବୁର ଦାମ ସାଧାରଣ ଲୋକଙ୍କ ବଜେଟକୁ ଖଟ୍ଟା କରିଛି । ସେପଟେ ଗୃହିଣୀଙ୍କ ଟେନସନ ବଢାଇ ଛି ଟମାଟୋ । ହାଣ୍ଡିଶାଳକୁ ମହଙ୍ଗା ମାଡ଼ ହୋଇଥିବା ବେଳେ ଆସନ୍ତୁ ଜାଣିବା ଆଜି ରାଜ୍ୟର ପ୍ରମୁଖ ସହରରେ କେତେ ରହିଛି ପରିବା ଦର ?
