ଭୁବନେଶ୍ବର: ପୁଣି ଦେଶ ପାଇଁ ଗର୍ବ ଆଣିଛନ୍ତି ଓଡିଆ ଝିଅ ଦୂତି ଚାନ୍ଦ । ନିକଟରେ ଇଟାଲୀର ନେପୋଲି ଠାରେ ଆୟୋଜିତ ହେଉଥିବା ୱାଲ୍ଡ ୟୁନିଭର୍ସିଟି ଗେମରେ ଦୂତି ସ୍ବର୍ଣ୍ଣ ଜିତିବା ପରେ ତାଙ୍କୁ କିଟ ବିଶ୍ଵବିଦ୍ୟାଳୟ ତରଫରୁ ପୁରସ୍କୃତ କରାଯାଇଛି ।
ଭିଡିଓ ସୌଜନ୍ୟ:ପ୍ରତିନିଧି, ଭୁବନେଶ୍ୱର
କିଛିଦିନ ତଳେ ଇଟାଲୀରେ ଆୟୋଜିତ ହେଉଥିବା ଉପରୋକ୍ତ ଗେମର 100 ମିଟର ଦୌଡରେ ଦୂତି ସ୍ବର୍ଣ୍ଣ ଜିତିଛନ୍ତି । ମାତ୍ର 11.32 ସେକେଣ୍ଡରେ ଲକ୍ଷ୍ୟ ସ୍ଥିର କରି ଗୋଲ୍ଡ ମେଡାଲ ଜିତିବାରେ ଦେଶର ପ୍ରଥମ ଖେଳାଳି ହୋଇଛନ୍ତି ଦୂତି ।
ଏହାସହ ଦୂତି ଜଣେ ଏମିତି ଖେଳାଳି, ଯିଏ ନିଜ ରେକର୍ଡକୁ ନିଜେ 15 ଥର ଭାଙ୍ଗିଛନ୍ତି । ଗତକାଲି ଦୂତି ଓଡିଶା ଫେରିବା ପରେ ଆଜି କିଟ ବିଶ୍ବ ବିଦ୍ୟାଳୟ ଦୂତିଙ୍କୁ ସାମୂହିକ ଭାବେ ପୁରସ୍କୃତ କରାଯାଇଛି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
