ଭୁବନେଶ୍ବର: ମଶାଣୀ ଭିତରେ ଲକ୍ଷ ଲକ୍ଷ ଟଙ୍କା । ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ । ଜାଣିଲେ ଆଶ୍ଚର୍ଯ୍ୟ ହେବେ ରାଜଧାନୀର ଏମିତି ଏକ ମଶାଣି । ଯେଉଁଠି ଚାଲୁଥିଲା ଲକ୍ଷ ଲକ୍ଷ ଟଙ୍କାର କାରବାର। ରାଜଧାନୀର ଭରତପୁର ମଶାଣିରେ ଚାଲିଥିଲା ଏପରି କାରବାର।
ସ୍ଥାନୀୟ କିଛି ଯୁବକ ମିଶି ନିତିଦିନ ଜୁଆ ଖେଳୁଥିଲେ । ଜୁଆ ଖେଳରୁ ହେଉଥିଲେ ମାଲେମାଲ। ଦୀର୍ଘଦିନ ହେବ ଜୁଆ ଖେଳରେ ମାତୁଥିଲେ ୧୦ରୁ ଊର୍ଦ୍ଧ୍ବ ଜୁଆଡି। ଏନେଇ ଖବର ପାଇ ଚଢାଉ କରିଥିଲା କମିସନରେଟ ପୋଲିସ । ଚଢାଉବେଳେ ୧୫ ଜଣକୁ ଗିରଫ କରିଛି କମିସନରେଟ ପୋଲିସ । ଗିରଫ ସମସ୍ତଙ୍କୁ ଖଣ୍ଡଗିରି ଥାନା ପୋଲିସ କୋର୍ଟ ଚାଲାଣ କରିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
