ଭୁବନେଶ୍ବର: ଜଗତସିଂହପୁରରେ ଖୁବଶୀଘ୍ର ଆରମ୍ଭ ହେବ ଜିନ୍ଦଲ ଷ୍ଟିଲ ପ୍ଳାଣ୍ଟ ନିର୍ମାଣ କାର୍ଯ୍ୟ । ଏନେଇ ଜେଏସଡବ୍ଲ୍ୟୁ ମୁଖ୍ୟ ସଜ୍ଜନ ଜିନ୍ଦଲଙ୍କ ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଲୋଚନା କରିଛନ୍ତି । ଜଗତସିଂହପୁର ଜିଲ୍ଲାର ଜଟାଧାରୀ ଠାରେ କମ୍ପାନୀ ବାର୍ଷିକ 13.2 ମେଟ୍ରିକ ଟନ କ୍ଷମତା ବିଶିଷ୍ଟ ଷ୍ଟିଲ୍ ପ୍ଲାଣ୍ଟ ନିର୍ମାଣ କରୁଛି ।
ଖୁବଶୀଘ୍ର ଏହାର ନର୍ମାଣ କାମ ହେବ । ଉଭୟଙ୍କ ମଧ୍ୟରେ ଆଜି ଭିଡ଼ିଓ କନ୍ଫରେନ୍ସିଂ ଜରିଆରେ ଆଲୋଚନା ହୋଇଛି । କିପରି ଅଧିକ ରାଜସ୍ବ ଓ ନିଯୁକ୍ତି ସୁଯୋଗ ଉପରେ ଅଧିକ ଗୁରୁତ୍ଵ ଦିଆଯିବ ସେନେଇ ଜୋର ଦେଇଛନ୍ତି ମୁଖ୍ୟମନ୍ତ୍ରୀ ।
ପ୍ରକଳ୍ପ ପାଇଁ ରାଜ୍ୟ ସରକାର ଜମି, ଜଳ, ବିଦ୍ୟୁତ ଯୋଗାଇ ଦେଇଛନ୍ତି । ଆସନ୍ତା 10 ବର୍ଷରେ କମ୍ପାନୀ ପ୍ରାୟ 1 ଲକ୍ଷ କୋଟି ତାଙ୍କ ନିବେଶ କରିବାକୁ ଲକ୍ଷ୍ୟ ରଖିଛି ।
ଜେଏସଡବ୍ଲ୍ୟୁ ସମ୍ବଲପୁର ଆଇଆଇଏମ ସହ ଅନୁବନ୍ଧିତ ହୋଇ ଏକ ସେଣ୍ଟର ଫର୍ ଡେଭଲମେଣ୍ଟ ଷ୍ଟଡିଜ ଫର ଓଡିଶା ପ୍ରତିଷ୍ଠା କରିବାକୁ ନିଷ୍ପତ୍ତି ନେଇଛି । ଓଡିଶାର ବିକାଶ ଦିଗରେ ସକରାତ୍ସ ଭୁମିକା ଜିନ୍ଦଲ ନିଭେଇବ ବୋଲି ପରିଚାଳନା ନିର୍ଦ୍ଦେଶକ ସଜ୍ଜନ ଜିନ୍ଦଲ ସ୍ପଷ୍ଟ କରିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
