ଭୁବନେଶ୍ବର: ବହୁ ଚର୍ଚ୍ଚିତ ଝରାଫୁଲ ମୃତ୍ୟୁ ଘଟଣା । ରମାଦେବୀ ବିଶ୍ବବିଦ୍ୟାଳୟ ଛାତ୍ରୀ ଝରାଫୁଲ ନାୟକଙ୍କୁ ପ୍ରି ପ୍ଲାନ୍ କରି ହତ୍ୟା କରାଯାଇଛି ନା ମୃତ୍ୟୁ ପଛରେ ରହିଛି ଅନ୍ୟ କିଛି କାରଣ ? ଯାହାକୁ ନେଇ ଏବେବି ଲାଗି ରହିଛି ସସପେନ୍ସ । ଏପଟେ ଝରାଫୁଲ ରାତିଯାପନ କରିଥିବା ଓୟୋ ଗେଷ୍ଟହାଉସରେ ପହଞ୍ଚିଛି ଯାଜପୁର ପୋଲିସ । ସଂଗ୍ରହ କରିଛି ଗୁରୁତ୍ବପୂର୍ଣ୍ଣ ତଥ୍ୟ। ସାଇଣ୍ଟିଫିକ ଟିମ ଜରିଆରେ ଓୟୋ ରୁମର ବେଡସିଟ ଠାରୁ ଆରମ୍ଭ କରି ତକିଆ ଖୋଳ ସଂଗ୍ରହ କରିଛି ପୋଲିସ। ରୁମରେ ଲାଗିଥିବା ବିଭିନ୍ନ ସ୍ଥାନର ଫିଙ୍ଗର ପ୍ରିଣ୍ଟକୁ ମଧ୍ୟ ଯାଞ୍ଚ କରିଛି। ଏପରିକି ସିସିଟିଭିର ଭିଜୁଆଲ ଆଧାରରେ ଡ଼ଷ୍ଟବିନରେ ଫୋପାଡ଼ିଥିବା ପଲିଥିନ୍ କୁ ଖୋଜି ପାଇଛି ପୋଲିସ। ପାରିପାର୍ଶ୍ବିକ ସ୍ଥିତିର ସମସ୍ତ ଦିଗକୁ ନେଇ ସାମ୍ପୁଲ ସଂଗ୍ରହ ହୋଇଛି। ପୋଲିସକୁ ପଲିଥିନ୍ ଜରିରୁ ମିଳିଛି ଏକ ବଡ଼ ସୁରାକ। କିନ୍ତୁ ତଦନ୍ତରେ ବାଧାପ୍ରାପ୍ତ ଯୋଗୁଁ କୌଣସି ସୂଚନା ଦେଇନାହାନ୍ତି ଯାଜପୁର ରୋଡ଼ ଏସଡିପିଓ।
ଝରାଫୁଲ ହତ୍ୟାକାଣ୍ଡ ଘଟଣାରେ ଛାନଭିନ, ଗେଷ୍ଟହାଉସରୁ ସୁରାକ ପାଇଲା ପୋଲିସ
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
