ଭୁବନେଶ୍ବର:କରୋନା ପାଇଁ ସ୍ଥଗିତ ରହିଲା ଜେଇଇ ମେନ ପରୀକ୍ଷା । ଏପ୍ରିିଲ 27, 28 ଓ 30 ତାରିଖରେ ଜେଇ ମେନ୍ ପରୀକ୍ଷା ହୋଇଥାନ୍ତା । ତେବେ କୋରୋନା ସଂକ୍ରମଣ ନେଇ ଏବେ ପରୀକ୍ଷା ସ୍ଥଗିତ ରହିବା ସହ ପରବର୍ତ୍ତୀ ତାରିଖ ଘୋଷଣା ହେବା ନେଇ ନିର୍ଦ୍ଦେଶ ରହିଛି।
ସୂଚନା ଥାଉକି, ଜାତୀୟ ପରୀକ୍ଷା ଏଜେନ୍ସି ଜେଇଇ ମେନ ଆୟୋଜନ କରୁଛି । ଫେବୃଆରୀ ଏବଂ ମାର୍ଚ୍ଚରେ ଜେଇଇ ମେନ ପରୀକ୍ଷା ଦୁଇଟି ଅଧିବେଶନ ସମାପ୍ତ ହୋଇସାରିଛି। ପ୍ରଥମ ପରୀକ୍ଷାରେ ଉପସ୍ଥିତ ପ୍ରାର୍ଥୀଙ୍କ ସଂଖ୍ୟା 620978 ଏବଂ ଦ୍ୱିତୀୟ ପରୀକ୍ଷାରେ 556248।
କୋଭିଡ ମହାମାରୀର ବର୍ତ୍ତମାନ ସ୍ଥିତିକୁ ଦେଖି ପରୀକ୍ଷାର୍ଥୀ ଓ ପରୀକ୍ଷା କାର୍ଯ୍ୟକର୍ତ୍ତାଙ୍କ ସୁରକ୍ଷା ଦୃଷ୍ଟିରେ ରଖି ଜେଇଇ ମେନ ଏପ୍ରିଲରେ ହେବାକୁ ଥିବା ପରୀକ୍ଷାକୁ ସ୍ଥଗିତ ରଖିବାକୁ ନିଷ୍ପତ୍ତି ନିଆଯାଇଛି। ଏହା ସହ ପରବର୍ତ୍ତୀ ତାରିଖ ଅତି କମରେ 15 ଦିନ ପୂର୍ବରୁ ଘୋଷଣା କରାଯିବ। www.nta.ac.in ଏବଂ https://jeemain.nta.nic.in/ର ଅଫିସିଆଲ୍ ୱେବସାଇଟ୍ ରେ ଅଧିକ ତଥ୍ୟ ଦିଆଯାଇଛି।
ଜେଇଇ ମେନ ପରୀକ୍ଷା ଦେଉଥିବା ପାର୍ଥି ମାନେ ନିଜର ଅଭିଯୋଗ ଓ ସବିଶେଷ ତଥ୍ୟ 011-40759000 କିମ୍ବା jeemain@nta.ac.in ରେ ଇମେଲ ମାଧ୍ୟମରେ ନିଜର ଅଭିଯୋଗ ଓ ତଥ୍ୟ ଜାଣିପାରିବେ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
