ଭୁବନେଶ୍ବର: ଜାଁଳା କଙ୍କାଳ ଜବତ ଘଟଣା । କଟାମୁଣ୍ଡ ଫଣ୍ଡା ଆପଣାଇବ ପୋଲିସ । ସ୍କେଚ ଜରିଆରେ ପରିଚୟ ଖୋଜିବ ପୋଲିସ ।
ପରିଚୟ ଖୋଜିବାକୁ କଟା ମୁଣ୍ଡ କେସର ଫଣ୍ଡା । ଏଥର ବଡିର ଗଣ୍ଡି ନୁହେଁ କଙ୍କାଳର ସ୍କେଚ ଜରିଆରେ ପରିଚୟ ଖୋଜିବ ପୋଲିସ । ଏନେଇ ରିକନଷ୍ଟ୍ରକସନ ସ୍କେଚକୁ ଅପେକ୍ଷା କରିଥିଲା ପୋଲିସ । ଦୁଇ ଦିନ ଭିତରେ କଙ୍କାଳର ଏକ ନକଲ ପରି ମଣିଷ ଚିତ୍ର ବା କଙ୍କାଳରୁ ସ୍କେଚ ଜରିଆରେ କିପରି ଦିଶୁଥିବ ସେହିପରି ଏକ ଚିତ୍ର ଜରିଆରେ ପରିଚୟ ଖୋଜିବ ପୋଲିସ । ଏନେଇ ଆଖପାଖ ଅଞ୍ଚଳରେ ପଚରାଉଚରା କରାଯିବ । ଏପରିକି ଜାଆଁଳା ନିକଟବର୍ତ୍ତୀ ରହୁଥିବା ରିହାବିଲିଟେସନ ସେଣ୍ଟର ଆଶ୍ରୟ ସ୍ଥଳ ଏସବୁ ନିକଟରେ ମଧ୍ୟ ପଚରାଉଚରା କରାଯିବ । ତେବେ କଟାମୁଣ୍ଡ କେସରେ ଯେପରି ମହିଳାଙ୍କର ପରିଚୟ ଖୋଜିବାକୁ ପୋଷ୍ଟର ଜାରି କରାଯାଇଥିଲା ସେହିପରି ଏହି କେସର ମହିଳାଙ୍କର ପରିଚୟ ଜାଣିବାକୁ ପୋଲିସ ପ୍ରୟାସ ଜାରି କରିବ । ଏନେଇ ବିଭିନ୍ନ ଦିଗକୁ ନେଇ ତର୍ଜମା କରି ପ୍ରୟାସ ଜାରି ରହିଛି ବୋଲି ଭୁବନେଶ୍ବର ଡିସିପି କହିଛନ୍ତି ।
ଅନ୍ୟପଟେ ତଦନ୍ତ ଦାୟିତ୍ବ ନେଇଥିବା ମହିଳା ଥାନା ଅଧିକାରିଣୀ ଏହି ଘଟଣାର ନିଲମ୍ବିତ ଆଇଆଇସି ଓ ଜଟଣୀ ଥାନାର ଥାନାଧୀକାରିଙ୍କ ବୟାନ ରେକର୍ଡ କରିଛନ୍ତି । କିପରି ଓ କେଉଁ ଅବସ୍ଥାରେ କଙ୍କାଳ ମିଳିବା ଘଟଣା ଜାଣିବାକୁ ପାଇଥିଲେ । ଗାଡିଟି କାହାର କେତେଦିନ ଧରି କାହା ଅବଗତରେ ରଖାଯାଇଥିଲା ସେସମସ୍ତ ଦିଗକୁ ନେଇ ଟିକନିକ ତଥ୍ୟ ସଂଗ୍ରହ କରିଛନ୍ତି ।
ଭୁବନେଶ୍ବରରୁ ତାପସ ପରିଡା,ଇଟିଭି ଭାରତ
