ଭୁବନେଶ୍ବର: ପୋଲିସ ସେବାରୁ ଅବସର ନେଲେ ଆଇପିଏସ ସତ୍ୟଜିତ ମହାନ୍ତି । ୧୯୮୮ ବ୍ୟାଚର ଏହି ବରିଷ୍ଠ ଆଇପିଏସ ଅଫିସର ପୋଲିସ ସେବାରେ ବିଭିନ୍ନ ଗୁରୁତ୍ବପୂର୍ଣ୍ଣ ଦାୟିତ୍ବ ଗ୍ରହଣ କରିଥିଲେ ।
୧୯୮୮ ବ୍ୟାଚର ଆଇପିଏସ ଅଫିସର ସତ୍ୟଜିତ ମହାନ୍ତି ଅବସର ନେଇଛନ୍ତି । ଓଡିଶା ଅଗ୍ନିଶମ ବିଭାଗରୁ ନେଇଛନ୍ତି ବିଦାୟ । ପୂର୍ବରୁ ପୋଲିସ କମିସନର,ଇନଚାର୍ଜ ଡିଜି ଭାବେ ଦାୟିତ୍ବ ତୁଲାଇଛନ୍ତି । ତେବେ ଅବସର ନେବା ପରେ ଆସନ୍ତାକାଲି ସେ ଓପିଏସସି ଅଧ୍ୟକ୍ଷ ଭାବେ ଦାୟିତ୍ବ ଗ୍ରହଣ କରିବେ । କଟକ ନରାଜ ଫାୟାର ସର୍ଭିସ ପକ୍ଷରୁ ଦିଆଯାଇଛି ବିଦାୟକାଳୀନ ସମ୍ବର୍ଦ୍ଧନା । ବହୁଚର୍ଚ୍ଚିତ କଟକ ବାରଙ୍ଗ ଗଣଦୁଷ୍କର୍ମ ଘଟଣା ସମୟରେ ସେ କଟକ ଏସପି ଭାବେ କାର୍ଯ୍ୟ କରୁଥିଲେ । ଏହା ଘଟଣାର ତଦନ୍ତ ମଧ୍ୟ କରିଥିଲେ।
ଭୁବନେଶ୍ବରରୁ ତାପସ ପରିଡା,ଇଟିଭି ଭାରତ
