ଭୁବନେଶ୍ବର: ପୋଲିସ କବଜାରେ ଆନ୍ତଃରାଜ୍ୟ ବ୍ୟାଟେରୀ ଚୋରି ଗ୍ୟାଙ୍ଗ । ଗିରଫ ହୋଇଥିବା ଗ୍ୟାଙ୍ଗ ନିକଟରୁ ବିପୁଳ ପରିମାଣର ବ୍ୟାଟେରୀ ଜବତ କଲା ପୋଲିସ । ଏକ ଛୋଟ ଟ୍ରକରୁ ବଡ଼ ଟ୍ରକକୁ ବ୍ୟାଟେରୀ ଲୋଡ କରିବାବେଳେ ପୋଲିସ ସ୍କାନରକୁ ଆସିଥିଲା ଏହି ଗ୍ୟାଙ୍ଗ । ଭେରିଫିକେସନ ବେଳେ ଏମାନେ ଏକ ଆନ୍ତଃରାଜ୍ୟ ଚୋରୀ ଗ୍ୟାଙ୍ଗ ବୋଲି ପୋଲିସ ଜାଣିବାକୁ ପାଇଥିଲା ।
ଗିରଫ ଅଭିଯୁକ୍ତଙ୍କ ନିକଟରୁ ତିନୋଟି ଟ୍ରକ ସମେତ ୧୫ ଶହରୁ ଅଧିକ ବ୍ୟାଟେରୀ ଜବତ କରାଯାଇଛି । ସେଥିରେ କିଛି ବ୍ୟବହାର ହୋଇଥିବା ବ୍ୟାଟେରୀ ରହିଥିବାବେଳେ କିଛି ନୂଆ ବ୍ୟାଟେରୀ ରହିଛି । ଏମାନେ ବିଭିନ୍ନ ଟାଓ୍ବାର ଓ ଗାଡ଼ିରୁ ବ୍ୟାଟେରୀ ଚୋରି କରିଥିବା ନେଇ ପୋଲିସ ସନ୍ଦେହ କରୁଛି । ବ୍ରହ୍ମପୁର ସହର, ଗଞ୍ଜାମ ଜିଲ୍ଲା ଓ ନୟାଗଡ଼ ଜିଲ୍ଲାରୁ ଏହି ସବୁ ବ୍ୟାଟେରୀ ଚୋରି କରାଯାଇଥିବା ପୋଲିସ ସୂଚନା ଦେଇଛି ।
ଏହି ଗ୍ୟାଙ୍ଗର ୬ ଜଣକୁ ଗିରଫ କରାଯାଇଥିବାବେଳେ ସେମାନଙ୍କ ପରିଚୟ ଯାଞ୍ଚ କରୁଛି ପୋଲିସ । ଗିରଫ ଅଭିଯୁକ୍ତମାନେ ପଶ୍ଚିମବଙ୍ଗବାସୀ ବୋଲି ଜଣାପଡ଼ିଛି । ଏହି ଚୋରୀ ଗ୍ୟାଙ୍ଗର ଚେର ଆଉ କେତେ ଦୂର ଲମ୍ବିଛି ତାହାକୁ ନେଇ ପୋଲିସର ତଦନ୍ତ ଜାରି ରହିଛି ।
ଭୁବନେଶ୍ବରରୁ ତାପସ ପରିଡ଼ା, ଇଟିିଭି ଭାରତ
