ଭୁବନେଶ୍ବର: ରାଜ୍ୟରେ ଶସ୍ତା ହେଲା କୋରୋନା ଟେଷ୍ଟ । ଏଣିକି ମାତ୍ର ଶହେ ଟଙ୍କାରେ ହେବ ଆଣ୍ଟିଜେନ ପରୀକ୍ଷା। ରାଜ୍ୟର ବିଭିନ୍ନ ଘରୋଇ ଲ୍ୟାବରେ ସର୍ବଧିକ 100 ଟଙ୍କାରେ କୋରୋନା ଆଣ୍ଟିଜେନ ପରୀକ୍ଷା କରାଯିବ ।
ଏହାକୁ ନେଇ ସ୍ବାସ୍ଥ୍ୟ ବିଭାଗ ପକ୍ଷରୁ ନିଷ୍ପତି ନିଆଯାଇଛି । ରାଜ୍ୟରେ ଦିନକୁ ଦିନ କୋରୋନା ସଂକ୍ରମଣ କମିବାରେ ଲାଗିଛି । ଜୁଲାଇରେ ରାପିଡ ଆଣ୍ଟିଜେନ ଟେଷ୍ଟ ପାଇଁ ସ୍ବାସ୍ଥ୍ୟ ବିଭାଗ ପକ୍ଷରୁ 450 ଟଙ୍କା ଦର ରହିଥିବାବେଳେ ବର୍ତ୍ତମାନ ମାତ୍ର 100 ଟଙ୍କାରେ ନମୁନା ପରୀକ୍ଷା କରିବାକୁ ଫି ଧାର୍ଯ୍ୟ କରିଛି ସ୍ବାସ୍ଥ୍ୟ ବିଭାଗ ।
ଏହାକୁ ନେଇ ଘରୋଇ ହସ୍ପିଟାଲ ଅଧିକ ମୂଲ୍ୟ ଦାବି କରିପାରିବେ ନାହିଁ । ଏହିପରି ବିଜ୍ଞପ୍ତି ପ୍ରକାଶ କରିଛି ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ। ରାଜ୍ୟ ଭିତରେ ଯେଉଁମାନେ ଘରୋଇ ହସ୍ପିଟାଲରେ ପରୀକ୍ଷା କରିବେ, ସେମାନେ ପରୀକ୍ଷା ପାଇଁ 100 ଟଙ୍କା ଦେବାକୁ ପଡିବ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
