ଭୁବନେଶ୍ବର: ସରିଲା ରାଜ୍ୟ କ୍ୟାବିନେଟର ଗୁରୁତ୍ତ୍ବପୂର୍ଣ୍ଣ ବୈଠକ । ଟିକାକୁ ନେଇ ବଡ ପଦକ୍ଷେପ ନେଇଛନ୍ତି ରାଜ୍ୟ ସରକାର । ରାଜ୍ୟ ସରକାର ଗ୍ଲୋବାଲ ଟେଣ୍ଡର ପ୍ରକ୍ରିୟାରେ ଅଧିକ ଟିକା କମ୍ପାନୀଙ୍କୁ ଆକୃଷ୍ଟ କରିବା ପାଇଁ ପଦକ୍ଷେପ ନେଇଛନ୍ତି ।
ଏନେଇ ଟେଣ୍ଡର ଡକ୍ୟୁମେଣ୍ଟ ଓ ଟର୍ମ ଓ କଣ୍ଡିସନରେ ସଂଶୋଧନ କରିଛନ୍ତି ରାଜ୍ୟ ସରକାର । ୨୦ ଡିଗ୍ରୀ ସେଲସିୟସରେ ବି ଟିକାକୁ ଟେଣ୍ଡର ପ୍ରକ୍ରିୟାରେ ଅନୁମତି ମିଳିଛି । ଏହି ଟିକା ୨ରୁ ୮ ଡିଗ୍ରୀ ମଧ୍ୟରେ ୧୨ ଘଣ୍ଟା ଯାଏ ରହିପାରିବ ।
ଏହାସହ ଟିକା ଦର ନିର୍ଦ୍ଧାରଣ ବେଳେ ସ୍ଵାଧୀନ ଭାବରେ ଦର କରାଯିବା ନେଇ କ୍ୟାବିନେଟ୍ ନିଷ୍ପତ୍ତି ନେଇଛି । ଏହାସହ ଯେକୌଣସି କମ୍ପାନୀ ଚାହିଁଲେ ଆବଶ୍ୟକୀୟ ଟିକା ଯୋଗାଇ ପାରିବ । ପ୍ରି-ବିଡିଂ ସମୟରେ ସଂଶୋଧନ ନେଇ ହୋଇଥିଲା ଆଲୋଚନା ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
