ଭୁବନେଶ୍ବର: ମହାମାରୀ କୋରୋନା ସଂକ୍ରମଣର ସମ୍ଭାବ୍ୟ ତୃତୀୟ ଲହରକୁ ନେଇ ଆଗୁଆ ସତର୍କ ରହିବା ଆବଶ୍ୟକ । ରାଜ୍ୟକୁ ଆସିପାରେ ତୃତୀୟ ଲହର। ଏବେଠାରୁ ପ୍ରସ୍ତୁତ କରିବାକୁ ଚେତାବନୀ ଦେଇଛନ୍ତି ସ୍ୱାସ୍ଥ୍ୟ ବିଶେଷଜ୍ଞ ନିରୋଜ ମିଶ୍ର । ତେବେ ତୃତୀୟ ଲହର ରାଜ୍ୟକୁ କେଉଁ ମୁହୂର୍ତ୍ତରେ ମଧ୍ୟ ଆସିପାରିବ । କରୋନା ମହାମାରୀ ଠାରୁ ଦୁରେଇ ରହିବା ପାଇଁ ସମସ୍ତ କଟକଣାକୁ ମାନିବା । ଟୀକାକରଣକୁ ଦ୍ରୁତ ଗତିରେ ତ୍ୱରାନ୍ୱିତ କରିବାକୁ ପଡିବ । ଟେଷ୍ଟିଂକୁ ମଧ୍ୟ ତ୍ୱରାନ୍ୱିତ କରିବାକୁ ପଡିବ ।
ନୂଆ ନୂଆ ଭାଇରସ ଚିହ୍ନଟ ହେଲେ ଲୋକାଲ ଅଞ୍ଚଳରେ କଣ୍ଟେଟମେଣ୍ଟ ଜୋନ କରିବା ଆବଶ୍ୟକ । ମହାରଷ୍ଟ୍ରରେ ଆଗେ ଆରମ୍ଭ ହେଲେ 2ରୁ 3 ସପ୍ତାହ ପରେ ରାଜ୍ୟରେ ଆରମ୍ଭ ହୋଇଯିବ । ତେବେ ରାଜ୍ୟରେ ଅନେକ ସ୍ୱାସ୍ଥ୍ୟ ବିଶେଷଜ୍ଞ ମାନେ ଅଗଷ୍ଟ ଓ ଅକ୍ଟୋବର ତୃତୀୟ ଲହର ଆସିବା ବୋଲି ଅନୁମାନ କରୁଛନ୍ତି ।
ଅନ୍ୟପଟେ କୋରୋନା ମହମାରୀର ତୃତୀୟ ଲହର କେତେ ସାଙ୍ଘାତିକ ହେବ ଓ ଏହାର ପରିଣାମ କଣ ହେବ ତାହା ଲୋକଙ୍କ ଉପରେ ନିର୍ଭର କରେ । ପ୍ରଥମ ଓ ଦ୍ୱିତୀୟ ଲହରରୁ ଆମେ ଅନେକ କିଛି ଶିଖିଛେ। କିନ୍ତୁ ଏଥିସହ ସେ କରୋନା ଟୀକାକରଣ ଓ ମାଇକ୍ରୋ କଣ୍ଟେଟମେଣ୍ଟ ଜୋନ ଉପରେ ଗୁରୁତ୍ୱ ଦେବାକୁ ମଧ୍ୟ କହିଛନ୍ତି ସ୍ୱାସ୍ଥ୍ୟ ବିଶେଷଜ୍ଞ ନିରୋଜ ମିଶ୍ର ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
