ଭୁବନେଶ୍ବର: ପତ୍ନୀଙ୍କୁ ନିର୍ଯାତନା ଦେଉଥିବା ସ୍ବାମୀ ଗିରଫ । ପ୍ରତିଦିନ 2 ପିଲାଙ୍କ ସାମ୍ନାରେ ଜଣେ ଟିଉସନ ସାର୍ ତାଙ୍କ ପତ୍ନୀଙ୍କୁ ନିର୍ଯାତନା ଦେଉଥିବା ଅଭିଯୋଗରେ ତାଙ୍କୁ ଗିରଫ କରାଯାଇଛି ।
ସୂଚନା ଅନୁଯାୟୀ ଚନ୍ଦ୍ରଶେଖର ପୁର ଥାନା ଶୈଳଶ୍ରୀ ବିହାର ଭିଆଇଏମ ୮୧୦ ରେ ରହୁଥିବା ଟିଉସନ ମାଷ୍ଟର ସଲମାନ ସାଦିକ ତାଙ୍କ ପତ୍ନୀ ପରଜାନ ଅଖତରଙ୍କୁ ଅକଥନୀୟ ନିର୍ଯାତନା ଦେଉଥିଲେ । ତାଙ୍କ ଚରିତ୍ର ଉପରେ ସନ୍ଦେହ କରି ସଲମାନ ଘରୁ ବାହାର କରି କବାଟ ବନ୍ଦ କରିଦେବା ସହ ଗାଳି ଗୁଲଜ କରୁଥିଲେ ।
ଏନେଇ ଥାନାଠୁ ଆରମ୍ଭ କରି ମହିଳା କମିଶନର ଦ୍ବାରସ୍ଥ ହୋଇଥିଲେ ପତ୍ନୀ ପରଜାନ ଅଖତର । ଶେଷରେ ମହିଳା କମିଶନଙ୍କ ହସ୍ତକ୍ଷେପ ପରେ ଚନ୍ଦ୍ରଶେଖରପୁର ଥାନା ଟିଉସନ ମାଷ୍ଟରକୁ ଗିରଫ କରିଛି ପୋଲିସ । ଆଇପିସିର ଧାରା ୨୯୪,୫୦୬,୩୨୩,୪୯୮-A ରେ ପୋଲିସ ତାଙ୍କୁ ଗିରଫ କରି କୋର୍ଟଚାଲାଣ କରିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
