ଭୁବନେଶ୍ବର: ବିଜେପିରେ ଯୋଗ ଦେଲେ ଶତାଧିକ କଂଗ୍ରେସ କର୍ମୀ । ବିଞ୍ଝାରପୁର କଂଗ୍ରେସ ନେତା ତଥା 2 ଥରର ସରପଞ୍ଚ ଏବଂ ସମିତି ସଭ୍ୟ ଭୁବନାନନ୍ଦ ସାମଲ ଆଜି (ସୋମବାର) ବିଜେପିରେ ଯୋଗ ଦେଇଛନ୍ତି । ତାଙ୍କ ନେତୃତ୍ବରେ ଶତାଧିକ କଂଗ୍ରେସ କର୍ମୀ ବିଜେପିରେ ଯୋଗ ଦେଇଛନ୍ତି ।
ବିଜେପିରେ ଯୋଗ ଦେଲେ ଶତାଧିକ କଂଗ୍ରେସ କର୍ମୀ
ରାଜ୍ୟ ସଭାପତି ସମୀର ମହାନ୍ତି ଓ ଯାଜପୁର ଜିଲ୍ଳା ସଭାପତି ଗୌତମ ରାୟଙ୍କ ଉପସ୍ଥିତିରେ ଦଳରେ ସାମିଲ ହୋଇଛନ୍ତି ଏହି କର୍ମୀମାନେ । ପ୍ରଧାନମନ୍ତ୍ରୀ ମୋଦିଙ୍କ ନୀତି, ଆଦର୍ଶ ଓ ଶାସନରେ ପ୍ରଭାବିତ ହୋଇ ସେ ବିଜେପିରେ ଯୋଗ ଦେଇଥିବା କହିଛନ୍ତି । ଭୁବନାନନ୍ଦ ସାମଲ ବିଞ୍ଝାରପୁର ଅଞ୍ଚଳର ଜଣେ ଟାଣୁଆ କଂଗ୍ରେସ ନେତା ହୋଇଥିବା ବେଳେ ତାଙ୍କ ଯୋଗାଦାନରେ ଯାଜପୁରରେ ବିଜେପି ଆହୁରି ଶକ୍ତିଶାଳୀ ହେବ ବୋଲି କହିଛନ୍ତି ରାଜ୍ୟ ସଭାପତି ସମୀର ମହାନ୍ତି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
