ଭୁବନେଶ୍ବର: ବିଶ୍ବବିଦ୍ୟାଳୟ ଘେରିଲେ ଡିଗ୍ରୀ ଛାତ୍ରଛାତ୍ରୀ । ପରୀକ୍ଷା ଦେବାରୁ ବଞ୍ଚିତ ହେବା ଅଭିଯୋଗରେ ଆନ୍ଦୋଳନକୁ ଓହ୍ଲାଇଲେ ଛାତ୍ରଛାତ୍ରୀ । ଏଭଳି ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା ଅଧିନ ଚିତ୍ତୋଳ ଡିଗ୍ରୀ ମହାବିଦ୍ୟାଳୟରେ । ସୂଚନାନୁସାରେ ଦୀର୍ଘ ୩ ବର୍ଷ ଧରି ଶତାଧିକ ସ୍ନାତକୋତ୍ତର ଛାତ୍ରଛାତ୍ରୀ ପରୀକ୍ଷା ଦେଇପାରି ନ ଥିବାରୁ ଆଜି (ମଙ୍ଗଳବାର) ଉତ୍କଳ ବିଶ୍ବବିଦ୍ୟାଳୟ ସମ୍ମଖରେ ଧାରଣାରେ ବସି ରହିଛନ୍ତି ।
ଏନେଇ ବିଶ୍ବବିଦ୍ୟାଳୟ ପରୀକ୍ଷା ନିୟନ୍ତ୍ରକଙ୍କ ସହ ଭିସିଙ୍କୁ ଘେରିଛନ୍ତି । ଆଉ ସେପଟେ ପରୀକ୍ଷା କରାଇବା ଦାବିରେ ଧାରଣାରେ ବସିଥିବା ଦେଖିବାକୁ ମିଳିଛି । ତେବେ ଛାତ୍ରଛାତ୍ରୀଙ୍କ ଅଭିଯୋଗ ଅନୁସାରେ ୨୦୧୯ରୁ ୨୦୨୧ ଶିକ୍ଷାବର୍ଷର କୌଣସି ବି ପିଜି ଛାତ୍ରଛାତ୍ରୀ ପରୀକ୍ଷା ଦେଇନପାରି ଏ ପର୍ଯ୍ୟନ୍ତ ପରୀକ୍ଷାରୁ ଉତ୍ତୀର୍ଣ୍ଣ ହୋଇପାରି ନାହାନ୍ତି । ସେପଟେ ସେମାନେ ପରୀକ୍ଷାରୁ ବଞ୍ଚିତ ହେବାରୁ ସେମାନଙ୍କ ଭବିଷ୍ୟତ ଏବେବି ଅନିଶ୍ଚିତତାରେ ରହିଛି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
