ଭୁବନେଶ୍ବର: କୋରୋନା ମୁକାବିଲା ନେଇ ରାଜ୍ୟରେ ହେବନି ସମସ୍ୟା । ରାଜ୍ୟରେ ପହଞ୍ଚିଲା ବିପୁଳ ପରିମାଣର ମାସ୍କ, ସାନିଟାଇଜର, ଟେଷ୍ଟିଂ କିଟ ସହ ଔଷଧ । ଏୟାର ଇଣ୍ଡିଆର ସ୍ବତନ୍ତ୍ର ବିମାନ 9i917 ଦିଲ୍ଲୀ ବାହାରି ଭାୟା ରାୟପୁର ଦେଇ ଅପରାହ୍ନ 5ଟା 07ରେ ଭୁବନେଶ୍ବରରେ ପହଞ୍ଚିଛି କାର୍ଗୋ ବିମାନ । 133ଟି କାର୍ଟୁନରେ ବିପୁଳ ପରିମାଣ ମାସ୍କ ସହ କୋରୋନା ଟେଷ୍ଟିଂ କିଟ ପହଞ୍ଚିଛି ।
ରାଜ୍ୟରେ କୋରୋନା ସ୍ଥିତି ଦ୍ବିତୀୟ ପର୍ଯ୍ୟାୟରେ ରହିଥିବାବେଳେ, ଦେଶବ୍ୟାପୀ କିନ୍ତୁ ତୃତୀୟ ପର୍ଯ୍ୟାୟରେ ପହଞ୍ଚିଛି । ଫଳରେ ଆଗକୁ କୋରୋନା ମହାମାରୀର ରୂପ ନେଇପାରେ । ତେବେ ଏହାର ମୁକାବିଲା ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାର ନେଉଥିବା ପଦକ୍ଷେପ ନିହାତି ଏହାକୁ ମାତ ଦେବ । ଏପରି ସ୍ଥିତିରେ ମାସ୍କର ଆବଶ୍ୟକତା ଓ ଟେଷ୍ଟିଂ କିଟର ଆବଶ୍ୟକତା ଦୃଷ୍ଟିରୁ ଦିଲ୍ଲୀରୁ ଆସିଥିବା ଏହି ସବୁ କିଟ ସ୍ବାସ୍ଥ୍ୟ ସେବା ଦିଗରେ ବିରାଟ ଭୂମିକା ନେବ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
