ଭୁବନେଶ୍ବର: ଭିଜିଲା ସ୍ମାର୍ଟସିଟି । ତାତିରୁ ମିଳିଲା ଆସ୍ବସ୍ତି । ଗତ ବୁଧବାର ସାରା ରାତି ବର୍ଷାରେ ଭିଜୁଛି ଭୁବନେଶ୍ୱର। ଯାହା ଫଳରେ ସ୍ମାର୍ଟ ସିଟିର ଲୋକଙ୍କୁ ଗୁଳୁଗୁଳିରୁ ମିଳିଛି ଆଶ୍ବସ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ଦିନକ ପୂର୍ବରୁ ପ୍ରବଳ ଖରା ହେତୁ ରାଜଧାନୀବାସୀ ପ୍ରବଳ ଗୁଳଗୁଳିରେ ଆଉଟପାଉଟ ହେଉଥିଲେ । ଯାହାଫଳରେ ଜନଜୀବନ ମଧ୍ୟ ଅସ୍ତବ୍ୟସ୍ତ ହୋଇ ପଡିଥିଲା । ଅନ୍ୟପଟେ ପଶ୍ଚିମ ଓଡ଼ିଶାର ସୁନ୍ଦରଗଡ଼, ଝାରସୁଗୁଡା, ସମ୍ବଲପୁର, ଅନୁଗୁଳ, ଦେଓଗଡ଼, ବଲାଙ୍ଗିରି, ସେନପୁର, ନୂଆପଡା,କଳାହାଣ୍ଡି, ତାପମାତ୍ରା ମଧ୍ୟ 40 ତଳକୁ ଖସିବା ନା ନେଉଁନି । ଏପଟେ ହୀରାକୁଦରେ 44.8 ଡିଗ୍ରୀ ସବୁଠାରୁ ଅଧିକ ତାପମାତ୍ରା ରେକର୍ଡ କରାଯାଇ ଥିବାବେଳେ ରାଜ୍ୟ 11ଟି ଜିଲ୍ଲାରେ ତାପମାତ୍ର 40 ଡ଼ିଗ୍ରୀ ଉପରେ ରହିଛି ।
ଅନ୍ୟପଟେ ଦକ୍ଷିଣ ଓଡିଶାର କିଛି ଅଞ୍ଚଳରେ ଗୁରୁବାର ସନ୍ଧ୍ୟାରେ କାଳବୈଶାଖୀ ଜନିତ ବର୍ଷା ହେବାର ସମ୍ଭାବନା ରହିଛି ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
