ହାଇଦ୍ରାବାଦ: ଚଳିତ ବର୍ଷ ମାର୍ଚ୍ଚ ମାସ ସୁଦ୍ଧା ଆପଲ୍ର ବଜେଟ୍ ଫ୍ରେଣ୍ଡଲି ଆଇଫୋନ iPhone SE 4 ଲଞ୍ଚ ହେବାକୁ ଯାଉଛି । ଲଞ୍ଚ ପୂର୍ବରୁ ଏହାର ଡିଜାଇନ, ସ୍ପେଶିଫିକେସନ ଓ ଦାମ ନେଇ ଚର୍ଚ୍ଚା ଲାଗି ରହିଛି । ଏହାରି ମଧ୍ୟରେ ଆଉ ଏକ ତଥ୍ୟ ସାମ୍ନାକୁ ଆସିଛି । ଆପଲ୍ ଏହି ଆଇଫୋନର ନାଁକୁ ପରିବର୍ତ୍ତନ କରି iPhone 16E ରଖିବାକୁ ଯାଉଛି । ଆଇଫୋନ ଏସଇ 4 ହେଉଛି କମ୍ପାନୀର iPhone SEର ଚତୁର୍ଥ ଜେନେରେସେନ । ଏହାକୁ iPhone 16 ଲାଇନଅପ୍ରେ ସାମିଲ କରିପାରେ ।
Based on what my source has reported, it seems that the new iPhone that Apple will unveil in 2025 will not be called iPhone SE4, but iPhone 16E. It should feature a design similar to the iPhone 14, with an OLED display and an action button. The available colors will be white and… pic.twitter.com/Vm8DCh1Xo0
— Majin Bu (@MajinBuOfficial) December 31, 2024
ଟିପଷ୍ଟର 'ମାଜିନ ବୁ' X ସାଇଟ୍ରେ ପୋଷ୍ଟ ଅନୁସାରେ, ଆଇଫୋନ ଏସଇ 4କୁ ଆପଲ୍ ଆଇଫୋନ 16E ନାଁରେ ଲଞ୍ଚ କରିପାରେ । ଯଦି ଏପରି ହୁଏ ତେବେ ଏହି ଫୋନକୁ ସେପ୍ଟେମ୍ବରରେ ଲଞ୍ଚ ହୋଇଥିବା ଆଇଫୋନ 16ର ଲାଇନଅପ୍ iPhone 16, iPhone 16 Plus, iPhone 16 Pro ଓ iPhone 16 Pro Max ସହିତ ଯୋଡ଼ାଯିବ । ଏହା ପ୍ରଥମ ଥର ନୁହେଁ ଯେ iPhone 16E ନାଁ ସାମ୍ନାକୁ ଆସିଛି, ଏହା ପୂର୍ବରୁ ଜଣେ ଚାଇନିଜ ଟିପଷ୍ଟର ମଧ୍ୟ ଡିସେମ୍ବରରେ ଏ ସମ୍ପର୍କରେ ପ୍ରକାଶ କରିଥିଲା ।
iPhone SE 4: ସ୍ପେଶିଫିକେସନ ଓ ଦାମ (ରୁମର୍)
- iPhone SE 4 ବା iPhone 16E ସମ୍ଭବତଃ ମାର୍ଚ୍ଚରେ ଲଞ୍ଚ ହୋଇପାରେ ।
- ଲିକ୍ ତଥ୍ୟ ଅନୁସାରେ, ଆପଲ୍ ଏଣ୍ଟ୍ରି- ଲେଭଲ୍ ଆଇଫୋନ 16 ପରି ସମାନ ପ୍ରୋସେସର ବ୍ୟବହାର କରିପାରେ ।
- ଏଥିରେ ଆପଲ୍ ଇଣ୍ଟେଲିଜେନ୍ସ ଫିଚର ମଧ୍ୟ ରହିପାରେ ।
- 8GB RAM ପ୍ୟାକ୍ ସହ ଆସିପାରେ ।
- 6.06-inch (1,170x2,532 pixels) LTPS OLED ସ୍କ୍ରିନ ମିଳିପାରେ ।
- 800nits ପିକ୍ ବ୍ରାଇଟନେସ୍
- Face ID ସପୋର୍ଟ
- 3,279mAh ବ୍ୟାଟେରୀ
- ଆଇଫୋନ 16 ପରି ସିଙ୍ଗଲ 48MP ରିଅର କ୍ୟାମେରା
- ଦାମ: ଆଇଫୋନ SE 4ର ଦାମ ସମ୍ପର୍କରେ କୋରିଆ ଆଉଟଲେଟ୍ Naver ତଥ୍ୟ ଅନୁସାରେ, ଏହା ଆମେରିକାରେ $500 (ପ୍ରାୟ Rs. 42,700)ରୁ କମ୍ ରହିପାରେ । ଯଦି ଦକ୍ଷିଣ କୋରିଆ କଥା କହିବା ସେଠାରେ ଏହି ଆଇଫୋନଟି KRW 8,00,000 (ପାଖାପାଖି Rs. 46,000)ରେ ଉପଲବ୍ଧ ହୋଇପାରେ । ଭାରତରେ ଦାମ କେତେ ରହିବ ସେ ସମ୍ପର୍କରେ କୌଣସି ତଥ୍ୟ ଆସିନାହିଁ ।
ସୂଚନା ଥାଉ କି 2022ରେ ଲଞ୍ଚ ହୋଇଥିବା iPhone SE 3ର ଦାମ 64GB ବେସ୍ ମଡେଲ ଲାଗି ଆମେରିକାରେ $429 (ପାଖାପାଖି Rs. 35,000) ରହିଥିଲା । କିନ୍ତୁ ଭାରତରେ ଲଞ୍ଚ ସମୟରେ ଏହାର ଦାମ ବେସ୍ ମଡେଲ ଲାଗି Rs. 43,900 ରହିଥିଲା । ପରେ ଏହି ଫୋନର ଦାମ ବୃଦ୍ଧି ପାଇ 49,000 ଟଙ୍କା ରହିଥିଲା । ଏବେ ଭାରତୀୟ ବଜାରରେ ଏହି ଫୋନର ଦାମ Rs. 47,600 ରହିଛି ।
