ଭୁବନେଶ୍ବର: ସରକାର କରିଥିବା ବ୍ୟବସ୍ଥା ଅନୁଯାୟୀ ସ୍ବାସ୍ଥ୍ୟ ମନ୍ତ୍ରୀ ନବ ଦାସ ତାଙ୍କ ସମ୍ପତ୍ତିର ତାଲିକା ଦେଇଛନ୍ତି। ତେବେ ସମ୍ପତ୍ତି ତାଲିକା ମାମଲାରେ ସେ ଅନ୍ୟ ମନ୍ତ୍ରୀଙ୍କ ତୂଳନାରେ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛନ୍ତି ।
ସ୍ବାସ୍ଥ୍ୟମନ୍ତ୍ରୀ ନବ ଦାସ: 2 ବର୍ଷରେ କିଣିଛନ୍ତି 80 ରୁ ଊର୍ଦ୍ଧ୍ବ ଗାଡି
ସେ ଦେଇଥିବା ତଥ୍ୟ ଅନୁସାରେ , ସେ ୨ ବର୍ଷରେ ସେ କିଣିଛନ୍ତି ୮୦ ଟି ଗାଡ଼ି। ୨୦୧୮ ରୁ ୨୦୨୦ ମଧ୍ୟରେ ସେ ଏହି ସବୁ ଗାଡ଼ି କିଣିଥିବା ଜଣା ପଡିଛି । ସେ କିଣିଥିବା ଗାଡି ମଧ୍ୟରେ ଗୋଟିଏ ସୌଖୀନ ମର୍ସିଡିଜ ବେଞ୍ଜ୍ କାର୍ ମଧ୍ୟ ରହିଛି । ଏହି ମର୍ସିଡିଜ ବେଞ୍ଜ କାର୍ର ବର୍ତ୍ତମାନର ବଜାର ମୂଲ୍ୟ ୧ କୋଟି ୯୬ ଲକ୍ଷ ଟଙ୍କା ରହିଛି । ଅନ୍ୟ ଗାଡ଼ିମାନଙ୍କ ଭିତରେ ଅନେକ ଟ୍ରକ ଓ କମର୍ସିଆଲ ଗାଡ଼ି ଥିବା ଜଣା ପଡିଛି ।
ତେବେ ଏ ବାବଦରେ ପ୍ରତିକ୍ରିୟା ରଖି ସଫେଇ ଦେଇଛନ୍ତି ନବ । ସେ କହିଛନ୍ତି ଏସବୁ ଗାଡି ଆମ ପରିବାରର, ମୋର ବ୍ୟକ୍ତିଗତ ସମ୍ପତି ନୁହେଁ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ , ଇଟିଭି ଭାରତ
