ଭୁବନେଶ୍ବର: ରାଜ୍ୟର ସହାଞ୍ଚଳରେ ରହିଥିବା ବସ୍ତି ଗୁଡିକର ଉନ୍ନତି ପାଇଁ ରାଜ୍ୟ ସରକାର ନେବାକୁ ଯାଉଛନ୍ତି ବଡ ପଦକ୍ଷେପ । ରାଜ୍ୟରେ ପାଖାପାଖି 2 ହଜାର 919 ଗୋଟି ବସ୍ତି ରହିଛି। ବସ୍ତିବାସିନ୍ଦାଙ୍କ ଜୀବନ ଧରଣର ମାନ ଉନ୍ନତ ହେବ ବୋଲି କହିଛନ୍ତି ଗୃହ ଓ ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା ।
ମୌଳିକ ସେବା ପାଇବା ସହ ବସ୍ତି ଗୁଡିକର ଭିତ୍ତିଭୂମି ସମ୍ଭବ ହୋଇପାରିବ। ଯେଉଁ ସବୁ ଅର୍ଥ ପୌରପରିଷଦ ଅଞ୍ଚଳରେ ଖର୍ଚ୍ଚ କରାଯାଉଛି ସେସବୁ ଟଙ୍କାରୁ 25 ଭାଗ ବସ୍ତି ଅଞ୍ଚଳର ଖର୍ଚ୍ଚ କରିବେ ସରକାର । ଯାହାଫଳରେ ବସ୍ତି ଅଞ୍ଚଳରେ ରହୁଥିବା ଲୋକଙ୍କ ବିକାଶ ହେବା ସହ ଜୀବନ ଶୈଳୀରେ ପରିବର୍ତ୍ତନ ଆସିବ ।
ବ୍ୟବସାୟୀ ମାନଙ୍କୁ ସହରାଞ୍ଚଳରେ ଯେଉଁ ସବୁ ଲାଇସେନ୍ସ ପ୍ରଦାନ କରାଯାଉଛି, ତାହା ପୂର୍ବରୁ ଅନେକ ସମୟ ଲାଗୁଥିଲା । ପ୍ରତି ବର୍ଷ ଏହାକି ନବୀକରଣ କରିବାକୁ ପଡୁଥିଲା । ମାତ୍ର ଏବେ ସରକାର ଏହି ନିୟମରେ ସଂସ୍କାର ଆଣିବାକୁ ଯାଉଛନ୍ତି । ଏଣିକି ଅନଲାଇନରେ ଆବେଦନକାରୀ ଆବେଦନ କରିପାରିବେ ଓ ଗୋଟିଏ ଦିନରେ ହିଁ ପ୍ରୋଭିଜିନାଲ ଲାଇସେନ୍ସ ମିଳପାରିବ । ସହରାଞ୍ଚଳରେ ବ୍ୟବସାୟୀମାନଙ୍କୁ ନବୀକରଣର ଅବଧି ଗୋଟିଏ ବର୍ଷ ବଦଳରେ 5 ବର୍ଷ ରଖାଯାଇଛି । ସହରାଞ୍ଚଳରେ ଚାଲୁଥିବା ଶଗଡ଼ ଗାଡ଼ି, ଘୋଡା ଗାଡିକୁ ପୂର୍ବରୁ ଟ୍ୟାକ୍ସ ଦେବାକୁ ପଡୁଥଲା ମାତ୍ର ଏହାକୁ ଛାଡ କରାଯାଇଛି ।
ନୂଆ ନିୟମ ଅନୁଯାୟୀ, ଯେଉଁମାନେ ଲାଇସେନ୍ସ ପାଇଁ ଆବେଦନ କରିବେ, ସେହି ଦିନ ହିଁ ସେମାନଙ୍କୁ ଏକ ପ୍ରୋଭିଜିନାଲ ଲାଇସେନ୍ସ ପ୍ରଦାନ କରାଯିବ । ଏବଂ 1 ବର୍ଷ ପରିବର୍ତ୍ତନ କରାଯାଇ ଏଥର ପ୍ରତି 5 ବର୍ଷରେ ଥରେ ଲାଇନ୍ସେସ ରିନ୍ୟୁଆଲ କରିବାକୁ ପଡିବ କେବଳ । ସହରାଂଚଳରେ ଚାଲୁଥିବା ଶଗଡ଼ ଗାଡ଼ି ଓ ଘୋଡା ଗାଡିକୁ ଟ୍ୟାକ୍ସ ଦେବାକୁ ପଡୁଥଲା ଏବେ ଏସବୁ ଟ୍ୟାସ୍କ ଦେବାକୁ ପଡିବ ନାହିଁ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
