ଭୁବନେଶ୍ବର: କାର୍ଯ୍ୟରୁ ନିଲମ୍ବିତ ହେଲେ ଉଚ୍ଚଶିକ୍ଷା ବିଭାଗର ଉପବିଭାଗ ଅଧିକାରୀ କ୍ଷେତ୍ରବାସୀ ଗୋଚ୍ଛାୟତ । ଏକ ଫାଇଲ 6ରୁ ଅଧିକ ମାସ ହେବ ପଡି ରହିଥିବାରୁ ତାଙ୍କ ବିରୋଧରେ ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ଉଚ୍ଚଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ ।
ନଅତାଲାରେ ଥିବା ଉଚ୍ଚଶିକ୍ଷା ବିଭାଗ ଦ୍ବିତୀୟ କ୍ୟାମ୍ପସକୁ ଜାନୁଆରୀ 21 ତାରିଖରେ ମନ୍ତ୍ରୀ ଗସ୍ତ କରିଥିଲେ । ସମ୍ପୃକ୍ତ ଅଧିକାରୀ କାଗଜ ପତ୍ରରେ ଅହେତୁକ ବିଳମ୍ବ କରୁଥିବାରୁ ଅସନ୍ତୋଷ ବ୍ୟକ୍ତ କରିବା ସହ, ଏହାର ତଦନ୍ତ କରି କାର୍ଯ୍ୟରେ ଅବହେଳା ପ୍ରଦର୍ଶନ କରିଥିବା ଅଧିକାରୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦେଇଥିଲେ।
‘5T’ ଆଧାରରେ କାର୍ଯ୍ୟ କରି ଫାଇଲ୍ ପ୍ରକ୍ରିୟାରେ ପାରଦର୍ଶିତା ଆଣିବା ପାଇଁ ମନ୍ତ୍ରୀ ବାରମ୍ବାର ତାଗିଦ କରିଥିଲେ ମଧ୍ୟ ଅଧିକାରୀ ଜଣକ କାର୍ଯ୍ୟରେ ଅବହେଳା ପ୍ରଦର୍ଶନ କରିଥିଲେ । ଫଳରେ ତାଙ୍କୁ କାର୍ଯ୍ୟରୁ ନିଲମ୍ବିତ କରାଯାଇଛି।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
