ଭୁବନେଶ୍ବର: ରାଜ୍ୟରେ କୋରୋନା ସଂକ୍ରମଣ ଜାରି ରହିଥିବା ବେଳେ ମନ୍ଦିର ତଥା ବିଭିନ୍ନ ଧର୍ମାନୁଷ୍ଠାନ ଖୋଲିବା ନେଇ ହାଇକୋର୍ଟରେ ମାମଲା ଦାଏର ହୋଇଥିଲା । ଇତି ମଧ୍ୟରେ ଆଜି (ସୋମବାର) ହାଇକୋର୍ଟ ଦୁଇଟି ପୃଥକ ଆବେଦନେର ଶୁଣାଣି କରି ମନ୍ଦିର ଖୋଲିବା ନିଷ୍ପତ୍ତି କେବଳ ରାଜ୍ୟ ସରକାରଙ୍କର ବୋଲି କହିଛନ୍ତି । ଅନ୍ୟପଟେ ହାଇକୋର୍ଟଙ୍କ ଏହି ଶୁଣାଣି ପରେ ମନ୍ଦିର ଖୋଲିବା ନେଇ ରାଜ୍ୟ ସରକାର ଖୁବଶୀଘ୍ର ନିଷ୍ପତ୍ତି ନେବେ ବୋଲି ସୂଚନା ଦେଇଛନ୍ତି ଆଇନମନ୍ତ୍ରୀ ପ୍ରତାପ ଜେନା ।
ମନ୍ତ୍ରୀ କହିଛନ୍ତି, ମନ୍ଦିର ଖୋଲିବା ନେଇ ଖୁବଶୀଘ୍ର ନିଷ୍ପତ୍ତି ନେବାକୁ ଯାଉଛନ୍ତି ରାଜ୍ୟ ସରକାର । ବର୍ତ୍ତମାନର କୋରୋନା ସ୍ଥିତିକୁ ଅନୁଧ୍ୟାନ କରି ଆମେ ନିଷ୍ପତ୍ତି ନେବୁ । ଯେତେବେଳେ ମନ୍ଦିର ଖୋଲିବା ନେଇ ନିଷ୍ପତ୍ତି ହେବ ସେତେବେଳେ ପ୍ରାୟତଃ ଆମକୁ ଓଡ଼ିଶାର ସବୁ ମନ୍ଦିର ଖୋଲିବାକୁ ପଡିବ । ତେବେ ସଂକ୍ରମଣଙ୍କୁ ରୋକି ମନ୍ଦିର ଖୋଲିବା ନେଇ କେଉଁ ଗାଇଡଲାଇନକୁ ପାଳନ କରାଯିବା, ତା ଉପରେ ବିଚାର ବିମର୍ଶ ପରେ ହିଁ ନିଷ୍ପତ୍ତି ନିଆଯିବା ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
