୬୧ ଦିନରେ ଗାନ୍ଧୀ ମାର୍ଗରେ ପୁଣି ଗର୍ଜିଲା ଗାଁ ସାଥୀ

ରାଜ୍ୟ ସରକାର ଗାଁ ସାଥୀଙ୍କୁ ଅଣଦେଖା କରୁଛନ୍ତି ବୋଲି ଅଭିଯୋଗ ହୋଇଛି । ଦରମା ବୃଦ୍ଧି ଓ ଚାକିରୀର ସ୍ଥାୟିତ୍ବ ଦାବି କରି ୬୧ ଦିନରେ ଗାନ୍ଧୀ ମାର୍ଗରେ ପୁଣି ଗର୍ଜିଛନ୍ତି ଏହାର କର୍ମକର୍ତ୍ତା । ଅଧିକ ପଢନ୍ତୁ

ଭୁବନେଶ୍ବର: ପାଞ୍ଚ ଦଫା ଦାବି ନେଇ ପୁଣି ଥରେ ଧାରଣା ସ୍ଥଳରେ ଗର୍ଜିଲେ ଗାଁ ସାଥୀର କର୍ମକର୍ତ୍ତା । ଦରମା ବୃଦ୍ଧି ଓ ଚାକିରୀର ସ୍ଥାୟିତ୍ବକୁ ନେଇ 'ଗାଁ ସାଥୀ ମିଳିତ କ୍ରିୟାନୁଷ୍ଠାନ କମିଟି'ର ସାଧାରଣ ସମ୍ପାଦକ ଲକ୍ଷ୍ମୀଧର ବିଶ୍ବାଳଙ୍କ ନେତୃତ୍ବରେ ହଜାର ହଜାର ସଂଖ୍ୟାରେ ଗାଁ ସାଥୀ କର୍ମକର୍ତ୍ତା ବିକ୍ଷୋଭ ପ୍ରଦର୍ଶନ କରିଛନ୍ତି ।

ଦୀର୍ଘ ୬୧ ଦିନ ଧରି ଏମାନେ ଧାରଣାରେ ବସିଥିଲେ । ହେଲେ ସେମାନେ ବାରମ୍ବାର ଦାବି ଜଣାଇଥିଲେ ମଧ୍ୟ କୌଣସି ସୁଫଳ ମିଳିନାହିଁ। ଏହାକୁ ନେଇ ଆଜି ୩୦ ହଜାର କର୍ମୀ ଲିଙ୍ଗରାଜ ମନ୍ଦିରରୁ ଚାଲି ଚାଲି ଶୋଭାଯାତ୍ରା କରି ମାଷ୍ଟର କ୍ୟାଣ୍ଟିନ ପର୍ଯ୍ୟନ୍ତ ଆସିଥିଲେ।

ଏହାପରେ ନିଜ ଅଧିକାର ପାଇଁ ରଣହୁଙ୍କାର ଦେଇଥିଲେ । ଅନ୍ୟପଟେ ଯଦି ଆଗାମୀ ଦିନରେ ସେମାନଙ୍କ ଦାବି ପୂରଣ ନହୁଏ ଆନ୍ଦୋଳନ ଆହୁରି ବ୍ୟାପକ ହେବ ବୋଲି କମିଟି ପକ୍ଷରୁ କୁହାଯାଇଛି ।

ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ