ଭୁବନେଶ୍ବର: ବରିଷ୍ଠ ବିଜେପି ନେତା ତଥା ପୂର୍ବତନ କେନ୍ଦ୍ର ଅର୍ଥ ମନ୍ତ୍ରୀ ଅରୁଣ ଜେଟଲୀଙ୍କ ବିୟୋଗରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶୋକ ବାର୍ତ୍ତା ଜଣାଇଛନ୍ତି । ତାଙ୍କ ମୃତ୍ୟୁ ଖବର ଶୁଣି କେନ୍ଦ୍ର ମନ୍ତ୍ରୀ ମର୍ମାହତ ବୋଲି ଭାବବିହ୍ବଳ ହୋଇ କହିଛନ୍ତି ।
ଭିଡ଼ିଓ ସୌଜନ୍ୟ: ସମ୍ବାଦଦାତା,ଭୁବନେଶ୍ବର
ଅରୁଣ ଜେଟଲୀଙ୍କ ମୃତ୍ୟୁ ହୋଇଛି ଭାବିଲେ ବିଶ୍ବାସ ହେଉନାହିଁ । ଅସୁସ୍ଥ ହେବାର ଦୁଇ ତିନିଦିନ ପୂର୍ବରୁ ତାଙ୍କୁ ଭେଟିଥିଲେ ବୋଲି କହିଛନ୍ତି ଧର୍ମେନ୍ଦ୍ର । ବିଜେପି ପରିବାର ପାଇଁ ସେ ଥିଲେ ଜଣେ ଅବିଭାବକ ସଦୃଶ । ଜୟପ୍ରକାଶଙ୍କ ସରକାରରେ ଜେଟଲୀ ଥିଲେ ଜଣେ ତାରକା । ମୈଳିକ ବିଚାର ଧାରାର ସେ ଥିଲେ ଜଣେ ପୁରୋଧା ବୋଲି କେନ୍ଦ୍ର ମନ୍ତ୍ରୀ କହିଛନ୍ତି ।
ଅରୁଣ ଜେଟଲୀଙ୍କ ମୃତ୍ୟୁ ପରେ ବିଜେପି ପରିବାର ପାଇଁ ଏକ ଅପୂରଣୀୟ କ୍ଷତି ହୋଇଛି । ଆଜିର ଏହି ଦୁଃଖଦ ମୂହୁର୍ତ୍ତରେ ପ୍ରଭୁ ଜଗନ୍ନାଥ ତାଙ୍କ ପରିବାରକୁ ସହାୟ ହୁଅନ୍ତୁ ବୋଲି କହିଛନ୍ତି କେନ୍ଦ୍ର ମନ୍ତ୍ରୀ ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
