ଭୁବନେଶ୍ବର: ବିଧାନସଭାରେ ଆସିଲା ଆଖି ତରାଟିଲା ଭଳି ତଥ୍ୟ । ରାସ୍ତା ପ୍ରଶସ୍ତିକରଣ ନାଁରେ ରାଜ୍ୟରେ ବିଗତ 10 ବର୍ଷ ଭିତରେ କଟାଯାଇଛି ୧ କୋଟି ୮୫ ଲକ୍ଷ ୭୪୮ ଗଛ। ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀଙ୍କ ପ୍ରଶ୍ନରେ ଉତ୍ତର ରଖିଲେ ଜଙ୍ଗଲ ଓ ପରିବେଶ ମନ୍ତ୍ରୀ ବିକ୍ରମ କେଶରୀ ଆରୁଖ ।
ରାଜ୍ୟରେ ଗତ 10 ବର୍ଷରେ ବିଭିନ୍ନ କାର୍ଯ୍ୟ ପାଇଁ କେତେ ଗଛ କଟାଯାଇଛି ସେନେଇ ମୋହନ ମାଝିଙ୍କ ପ୍ରଶ୍ନର ଉତ୍ତର ରଖିଲେ ଜଙ୍ଗଲ ମନ୍ତ୍ରୀ । 10 ବର୍ଷ ମଧ୍ୟରେ ଜଙ୍ଗଲ ଓ ଅଣଜଙ୍ଗଲ କିସମ ଜମିରୁ କଟାଯାଇଛି 1 କୋଟି 85 ଲକ୍ଷ 748 ଟି ଗଛ।
ରାଜ୍ୟର 2010-11 ବର୍ଷରୁ 2020-21 ବର୍ଷ ମଧ୍ୟରେ କେଉଁ କେଉଁ ରାସ୍ତାରେ ପ୍ରଶସ୍ତିକରଣ ନିମନ୍ତେ, କେତେ ମୂଲ୍ୟର କେତେ ସଂଖ୍ୟକ ଗଛ କେଉଁ ବର୍ଷ କଟାଯାଇଛି । ପ୍ରତିବଦଳରେ କେଉଁ କେଉଁ ବର୍ଷରେ କେତେ ଗଛ ଲଗାଯାଇଛି ।ତାର ଏକ ବିବରଣୀ ପ୍ରଦାନ କରିବେ କି ବୋଲି ପ୍ରଶ୍ନ କରିଛନ୍ତି ବିଜେପି ନେତା ମୋହନ ମାଝୀ ।
ତେବେ ଆଗାମୀ ଦିନରେ ନୂଆଗଛ ଲଗାଯିବା ପାଇଁ ପଦକ୍ଷେପ ନିଆଯାଇଛି କହିଛନ୍ତି ଜଙ୍ଗଲ ମନ୍ତ୍ରୀ ବିକ୍ରମ କେଶରୀ ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
