ଭୁବନେଶ୍ବର: ଗଜରାଜଙ୍କ ସୁରକ୍ଷା ପାଇଁ ଅଣ୍ଟା ଭିଡିଛି ବନ ବିଭାଗ । ଏଥିପାଇଁ ଭୁବନେଶ୍ବରର ପ୍ରକୃତି ଭବନରେ ବସିଥିଲା ଏକ ସମୀକ୍ଷା ବୈଠକ । ପିସିସିଏଫ ୱାଇଲ୍ଡ ଲାଇଫଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା ଏହି ବୈଠକ । ବୈଠକରେ ଜଙ୍ଗଲ ବିଭାଗର ବରିଷ୍ଠ ଅଧିକାରୀଙ୍କ ସହ ଶକ୍ତି ଓ ରେଳ ବିଭାଗର ଅଧିକାରୀ ଯୋଗ ଦେଇଥିଲେ ।
ବିଦ୍ୟୁତ ତାର ସଂସ୍ପର୍ଶରେ ଆସି ହାତୀଙ୍କ ମୃତ୍ୟୁ ହେବାସହ ରେଳ ଦୁର୍ଘଟଣା ମଧ୍ୟ ହାତୀଙ୍କ ଅକାଳ ମୃତ୍ୟୁର ହେଉଛି । କିଭଳି ହାତୀଙ୍କୁ ସୁରକ୍ଷା ଦିଆଯାଇ ପାରିବ ଏହି ବୈଠକରେ ସେନେଇ ଆଲୋଚନା ହୋଇଥିଲା ।
ଅନ୍ୟପଟେ ହାତୀ ମୃତ୍ୟୁ ବନ୍ଦ କରିବା ପାଇଁ ରେଲବାଇ କର୍ମଚାରୀଙ୍କୁ ପ୍ରଶିକ୍ଷଣ ଦେବ ବନ ବିଭାଗ । ଟ୍ରେନ ଲାଇନ କଡରେ ଟ୍ରେନର ବଳକା ଖାଦ୍ୟ ନ ପକାଇବା ପାଇଁ ରେଲବାଇକୁ ପରାମର୍ଶ ଦେବା ସହ ରେଳ ଲାଇନ କଡରୁ ଅନାବନା ଗଛ ସଫା କରିବାକୁ ବୈଠକରେ ନିଷ୍ପତ୍ତି ହୋଇଛି । ଏହାସହ ହାତୀ ମୃତ୍ୟୁ ରୋକିବାକୁ ଟ୍ରେନ ଲାଇନରେ ଅଣ୍ଡର ପାସ୍ ତିଆରି କରିବା ପାଇଁ ଆଲୋଚନା ହୋଇଛି । ଏଥିସହ ହାତୀ ମୃତ୍ୟୁକୁ ରୋକିବା ପାଇଁ ହାତୀ ଚଲା ପଥରେ ଟ୍ରେନର ଗତି ୫୦ ରୁ ୬୦ କିମି ବେଗ କରିବା ପାଇଁ ପରାମର୍ଶ ଦିଆଯାଇଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
