ଭୁବନେଶ୍ବର: ମହାଦେବଙ୍କ ନିକଟରେ ମହାଦୀପ ଜାଳି ପୂଜାର୍ଚ୍ଚନା କରିଛନ୍ତି ଦେଶବାସୀ । ଏହି ଅବସରରେ ଗତକାଲି ଓଡିଶାର ବିଭିନ୍ନ ଶୈବପୀଠରେ ମହାଶିବରାତ୍ରୀ ପାଳନ କରାଯାଇଛି । ଆମର ଏହି ସଂସ୍କୃତି ଓ ପରମ୍ପରାକୁ କେଉଁ ଆଦିମ ଯୁଗରୁ ରହିଥିବାବେଳେ, ଆଜି ବି ଲୋକେ ଏହି ପର୍ବକୁ ବେଶ ଧୂମଧାମରେ ପାଳନ କରିଛି । ସେପଟେ, ଭାରତୀୟଙ୍କ ଏହି ସଂସ୍କୃତି ବିଦେଶୀଙ୍କୁ ନିକଟରେ ବେଶ ଆଗ୍ରହ ଦେଖିବାକୁ ମିଳିଛି । କେବଳ ସେତିକି ନୁହେଁ ବିଭିନ୍ନ ସମୟରେ ଓଡିଆଙ୍କ ଏହି ପର୍ବପର୍ବାଣୀ ଦେଖିବା ପାଇଁ କିଛି ବିଦେଶୀ ପର୍ଯ୍ୟଟକ ସାତ ଦରିଆ ପାର କରି ଆସନ୍ତି ।
ସେହିଭଳି କିଛି ପର୍ଯ୍ୟଟକ ଗତକାଲି ଏକାମ୍ର କ୍ଷେତ୍ର ଲିଙ୍ଗରାଜଙ୍କ ଅଞ୍ଚଳରେ ଦେଖିବାକୁ ମିଳିଥିଲେ । ଇଟାଲୀରୁ କିଛି ପର୍ଯ୍ୟଟକ ଏହି ଅବସରରେ ଆସି ଲୋକଙ୍କ ସହ ଭାବ ବିନିମୟ କରିଥିବା କହିଛନ୍ତି । ଏହା ସହ ଓଡିଆଙ୍କ ଚାଲିଚଳଣି ଓ ବ୍ୟବହାର ଉପରେ ଅନୁଧ୍ୟାନ କରିଥିଲେ । ଏହା ସହ ଓଡିଆ ଲୋକେ ଉଦାର ଓ ମେଳାପୀ ବୋଲି ମଧ୍ୟ ସେ କହିଥିଲେ ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
