ଭୁବନେଶ୍ବର: ରେଳ ଷ୍ଟେସନରୁ ବିରଳ ପ୍ରଜାତିର ଉଡ଼ନ୍ତା ସାପ ଉଦ୍ଧାର। ଷ୍ଟେସନ ନିକଟରେ ଖେଳ କରୁଥିବା ଖବର ପାଇ ମଞ୍ଚେଶ୍ବର ବନାଞ୍ଚଳ ଅଧିକାରୀ ଓ ସ୍ନେକ ହେଲ୍ପ ଲାଇନ୍ ସଦସ୍ୟ ପହଞ୍ଚି ସାପକୁ ଉଦ୍ଧାର କରିଛନ୍ତି । ଏଥିସହ ସାପ ରଖିଥିବା ଜଣେ ଅଣ ଓଡିଆ ଯୁବକଙ୍କୁ ଅଟକ ରଖାଯାଇଛି।
ଅଟକ ଯୁବକ ଜଣକ ପଶ୍ଚିମବଙ୍ଗର ଆସାନସୋଲରୁ ସାପଟିକୁ ଆଣି ଭୁବନେଶ୍ବରରେ ରହୁଥିଲା । 5 ମାସ ହେଲା ସାପଟିକୁ ଯୁବକ ଜଣକ ପାଖରେ ରଖିଥିଲା। ଭୁବନେଶ୍ବରରେ ସାପ ଖେଳ କରିବା ପାଇଁ କି ବିକ୍ରିବା ପାଇଁ ଆସିଥିଲା ତାହା ତଦନ୍ତ ପରେ ଜଣାପଡିବ।
ସୂଚନା ଅନୁସାରେ ଏହି ପ୍ରଜାତିର ସାପ ସାଧାରଣତଃ ଭାରତବର୍ଷରେ ବିରଳ ଏହି ସାପ। ମାତ୍ର ଓଡିଶାର ଶିମିଳିପାଳ କୁଲହାଡ଼ିହା ଅଭୟାରଣ୍ୟରେ ଏହା ସାପଙ୍କ କିଛି ମାତ୍ରାରେ ଦେଖାଯାନ୍ତି। ଏସୀୟ ମହାଦେଶରେ ମୁଖ୍ୟତଃ ଦକ୍ଷିଣ ଭାରତ ଓ ଶ୍ରୀଲଙ୍କାରେ କିଛି ଅଞ୍ଚଳରେ ଦେଖିବାକୁ ମିଳେ ଏହି ଉଡନ୍ତା ସାପ। ଉଦ୍ଧାର କରାଯାଇଥିବା ସାପଟି ଅଢେଇ ଫୁଟ ଲମ୍ବାର ଥିଲା । ମାତ୍ର ଏହି ସାପ 5ଫୁଟ ପର୍ଯ୍ୟନ୍ତ ବଢିଥାଏ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ