ଓମ ବାବାଙ୍କ ନାଁରେ ଏତଲା, ଗିରଫ ନ କଲେ ଅଣ୍ଡାମାଡର ଧମକ

ତେଜିଲା ଓମ୍‌ ବାବା ବିବାଦ । ବିବାଦୀୟ ବୟାନ ଦେଇଥିବାରୁ ଖଣ୍ଡଗିରି ଥାନାରେ ତାଙ୍କ ନାଁରେ ଏତଲା ଦେଲା କୋରାପୁଟ ଯୁବ କଂଗ୍ରେସ । କହିଲା ଗିରଫ ନକଲେ ବର୍ଷିବ ଅଣ୍ଡା ।

ଭୁବନେଶ୍ବର: ଓମ ବାବାଙ୍କ ନାଁରେ ଏତଲା । ନ ସୁଧୁରିଲେ ଅଣ୍ଡାମାଡର ଧମକ । ଖଣ୍ଡଗିରି ଥାନାରେ କୋରାପୁଟ ଯୁବ କଂଗ୍ରେସ ପକ୍ଷରୁ ଓମ୍‌ ବାବାଙ୍କ ନାଁରେ ଏତଲା ଦିଆଯାଇଛି ।

ପୂର୍ବତନ ପ୍ରଧାନମନ୍ତ୍ରୀଙ୍କ ବିରୋଧରେ ଅରୁଚିକର ମନ୍ତବ୍ୟ ଓ ଜଗନ୍ନାଥ ସଂସ୍କୃତିକୁ ବିବାଦୀୟ ବୟାନ ଦେଇଥିବା ନେଇ ଥାନାରେ ଅଭିଯୋଗ କରିଛନ୍ତି ଯୁବ କଂଗ୍ରେସ କର୍ମୀ। ଏନେଇ ବାବାଙ୍କୁ ଗିରଫ କରିବାକୁ ଦାବି କରାଯାଇଛି । ଗିରଫ ନ କଲେ ଆଇନକୁ ହାତକୁ ନେଇ ଅଣ୍ଡାମାଡ କରାଯିବ ବୋଲି ଚେତାବନୀ ଦେଇଛି କୋରାପୁଟ ଯୁବ କଂଗ୍ରେସ ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ