ଭୁବନେଶ୍ବର: ମାୟାବିନୀ ଲେଡି ବ୍ଲାକମେଲର ଅର୍ଚ୍ଚନା ନାଗଙ୍କ ଫାସରେ ଚଳଚ୍ଚିତ୍ର ନିର୍ମାତା ଅକ୍ଷୟ ପରିଜା । ଅର୍ଚ୍ଚନାଙ୍କ ବିରୋଧରେ ସେ ଅଭିଯୋଗ ଆଣି ନୟାପଲ୍ଲୀ ଥାନାରେ ଏଫଆଇଆର (FIR) ଦେଇଛନ୍ତି । ଅର୍ଚ୍ଚନାଙ୍କ ଜାଲରେ ସେ କିପରି ଫସିଥିଲେ ଓ କିପରି ବ୍ଲାକମେଲରଙ୍କ ଶିକାର ହୋଇଥିଲେ ସେ ସମ୍ପର୍କରେ ଅଭିଯୋଗକାରୀ ଅକ୍ଷୟ ଏଫଆଇଆରରେ ଉଲ୍ଲେଖ କରିଛନ୍ତି ।
କେବଳ ଅର୍ଚ୍ଚନା ନୁହେଁ ଅର୍ଚ୍ଚନାଙ୍କ ସହ ଆଉ ଜଣେ ଯୁବତୀଙ୍କ ନାଁ ମଧ୍ୟ ସେ ଉଲ୍ଲେଖ ରହିଛନ୍ତି । କିଭଳି ସେ ଅର୍ଚ୍ଚନାଙ୍କ ଅତ୍ୟାଚାରର ଶିକାର ହୋଇଥିଲେ ସେ ସମ୍ପର୍କରେ ମଧ୍ୟ ଉଲ୍ଲେଖ କରିଛନ୍ତି ଅକ୍ଷୟ । ଅକ୍ଷୟଙ୍କ ଏହି ଅଭିଯୋଗ ପରେ କର୍ପୋରେଟ ହାଉସର କିଛି ହେବିଓ୍ବେଟ ଓ ରାଜ୍ୟ ବାହାରର ବିଜନେସ ମ୍ୟାନଙ୍କ ମଧ୍ୟରେ ଭାଳେଣି ପଡିଲାଣି । ଯେଉଁମାନେ ଅର୍ଚ୍ଚନା ସହ ଫଟୋ ଉଠାଇଥିଲା ସେମାନେ ଏବେ ସୋସିଆଲ ମିଡିଆରୁ ଫଟୋ ଡିଲିଟ ଆରମ୍ଭ କରିଛନ୍ତି । ରାଜଧାନୀର ଜଣେ ସୁନା ବ୍ୟବସାୟୀଙ୍କ ଏହି ଫଟୋ ଡିଲିଟ ଏବେ ଏହି ଚର୍ଚାକୁ ଆହୁରି ଦ୍ବିଗୁଣିତ କରିଛି ।
ସୂଚନା ଥାଉ କି ଏହି ଲେଡ଼ି ବ୍ଲାକମେଲର ହେଉଛନ୍ତି ଅର୍ଚ୍ଚନା ନାଗ ଚାନ୍ଦ । ସ୍ବାମୀ ଜଗବନ୍ଧୁ ଚାନ୍ଦ । ମହିଳା ଜଣକ ଉଚ୍ଚ ଶିକ୍ଷିତା ଓ ଆଇନ ପାଠ ପଢିଥିବା ଜଣାପଡିଛି । ସ୍ବାମୀ ଜଗବନ୍ଧୁ ଚାନ୍ଦ ସହାୟତାରେ ଏଭଳି କଳା କାରନାମାରେ କରୁଥିବା ସନ୍ଦେହ ହେଉଛି । ତାଙ୍କ ଫାସରେ ଅନେକ ନାମିଦାମି ବ୍ୟକ୍ତି ରହିଛନ୍ତି । ବ୍ଲାକମେଲରଙ୍କ ହାଇପ୍ରୋଫାଇଲ ପଲିଟିକାଲ ଲିଙ୍କ ରହିଛି । ଭୁବନେଶ୍ବର ସତ୍ୟବିହାର ଅଞ୍ଚଳରେ ଏକ ବ୍ୟୟବହୁଳ ବଙ୍ଗଳା ମଧ୍ୟ ତିଆରି କରିଛନ୍ତି । କୋଟି କୋଟି ଟଙ୍କା ଖର୍ଚ୍ଚରେ ତିଆରି ହୋଇଛି ଏହି ଆଲିସାନ ବଙ୍ଗଳା ।
ଏହା ବି ପଢନ୍ତୁ- ରାଜନେତା ଓ ସିନେ ପ୍ରଯୋଜକଙ୍କୁ ବ୍ଲାକମେଲିଂ, ଅଭିଯୋଗ ପରେ ଗିରଫ ହେଲେ ଲେଡି ବ୍ଲାକମେଲର
ବଙ୍ଗଳା ଭିତରେ ରହିଛି ନାମୀ ଦାମି କଂପାନୀର ସାମଗ୍ରୀ । ବଡ ପ୍ରଶ୍ନ ଏହି ଲେଡି ବ୍ଲାକମେଲର ଅର୍ଚ୍ଚନା ନାଗଙ୍କ ପାଖକୁ କୁଆଡୁ ଆସୁଥିଲା ଏତେ ଟଙ୍କା । ପୂର୍ବତନ ମନ୍ତ୍ରୀ ତଥା ବିଜେଡିର ବରିଷ୍ଠ ନେତା ସୂର୍ଯ୍ୟନାରାୟଣ ପାତ୍ରଙ୍କ ସହିତ ଏହି ଲେଡିଙ୍କ ସ୍ବାମୀ ଜଗବନ୍ଧୁଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ମିଳିଥିବା ସୂଚନା ଅନୁସାରେ ଏହି ଆଲିସାନ ବଙ୍ଗଳାକୁ ଆସୁଥିଲେ ହାଇପ୍ରୋଫାଇଲ ରାଜନେତା ଏବଂ ଅଫିସର । ଏହି ଲେଡି ଜଣଙ୍କ ସୁଚିନ୍ତିତ ଢଙ୍ଗରେ ନେତାଙ୍କ ସହିତ ରଖୁଥିଲେ ସମ୍ପର୍କ ।
ପ୍ରଥମେ ବନ୍ଧୁତ୍ବ ଆଉ ତାପରେ ପ୍ରେମ ଆଳାପ । ସମ୍ପର୍କ ଟିକିଏ ପୁରୁଣା ହେବା ପରେ ହୋଟେଲକୁ ଡାକରା । ସେଠାରେ ଅନ୍ତରଙ୍ଗ ମୁହୁର୍ତ୍ତର ଭିଡିଓ କରି କିମ୍ବା ଫଟୋ ଉଠାଇ ବ୍ଲାକ ମେଲିଂ । କିଛି ଏପରି ଢଙ୍ଗରେ ବ୍ଲାକମେଲ କରି ନେତାଙ୍କ ଠାରୁ ଟଙ୍କା ଆଦାୟ କରୁଥିବା ନେଇ ଅଭିଯୋଗ ହୋଇଛି । ଏପରିକି ପ୍ରତିଦିନ ଏହି ଘରକୁ ମଧ୍ୟ ବଡ ବଡିଆଙ୍କ ଯା' ଆସ ହେଉଥିଲା । ଯାହାର ଫାଇଦା ଉଠାଇବାକୁ ଚେଷ୍ଟା କରୁଥିଲା ଲେଡି ବ୍ଲାକମେଲର । ଯାହା ଟଙ୍କା ଆଦାୟ ହେଉଥିଲା ସେହି ଟଙ୍କାରେ ହାଇପ୍ରୋଫାଇଲ ଜୀବନ ବଞ୍ଚୁଥିଲେ କି ଲେଡି, ଏବେ ଏହି ପ୍ରଶ୍ନ ଉଠିଛି ।
ଇଟିଭି ଭାରତ, ଭୁବନେଶ୍ବର
