ଭୁବନେଶ୍ବର: ଆଜି(ଗୁରୁବାର) ବିଶ୍ବବ୍ୟାପୀ ପାଳିତ ହେଉଛି ଡାକ୍ତର ଦିବସ । ଏହି ଅବସରରେ ଫିକି ଓଡିଶା ପକ୍ଷରୁ ଭୁବନେଶ୍ବର କ୍ୟାପିଟାଲ ହସ୍ପିଟାଲ ପରିସରରେ ସ୍ବତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଏହି ଅବସରରେ କୋଭିଡ ମହାମାରୀ ସତ୍ତ୍ବେ ବହୁ ସଂଖ୍ୟାରେ ଲୋକଙ୍କ ସେବାରେ ନିୟୋଜିତ ହୋଇଛନ୍ତି ଡାକ୍ତର ଓ ସ୍ବାସ୍ଥ୍ୟକର୍ମୀ ।
ଫିକି ଓଡିଶା ପକ୍ଷରୁ ପାଳିତ ହେଉଛି ଡାକ୍ତର ଦିବସ
ଡାକ୍ତରଙ୍କ ଉତ୍ସର୍ଗୀକୃତ ସେବାକୁ କୃତଜ୍ଞତା ଜଣାଇବା ସହ ଉପହାର ପ୍ରଦାନ ପୂର୍ବକ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା। ସେପଟେ ସ୍ବାସ୍ଥ୍ୟ କ୍ଷେତ୍ରରେ ଡାକ୍ତର ଓ ଅନ୍ୟ ସ୍ବାସ୍ଥ୍ୟକର୍ମୀଙ୍କୁ ସହଯୋଗ କରିବାକୁ ପରାମର୍ଶ ଦେଇଛନ୍ତି କ୍ୟାପିଟାଲ ହସ୍ପିଟାଲର ନିର୍ଦ୍ଦେଶକ ଡାକ୍ତର ଲକ୍ଷ୍ମୀଧର ସାହୁ। ଅତିଥି ଭାବେ ବିଏମସି ଜୋନାଲ ଡେପୁଟି କମିଶନର ଅଂଶୁମାନ ରଥ ଯୋଗ ଦେଇଥିଲେ ।
ଭୁବନେଶ୍ୱରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
