ଭୁବନେଶ୍ବର: ଲିଙ୍ଗରାଜ ମନ୍ଦିର କାର୍ଯ୍ୟାଳୟର ବକେୟା ବିଦ୍ୟୁତ ବିଲକୁ ନେଇ ବିଦ୍ୟୁତ ସଂଯୋଗ କଟାଯିବା ପରେ ତେଜିଛି ଅସନ୍ତୋଷ । ଏନେଇ ଆଜି ଠାରୁ ମହାପ୍ରଭୁଙ୍କ ନୀତିକାନ୍ତି ବନ୍ଦ ନେଇ ବ୍ରାହ୍ମଣ ନିଯୋଗ ଧମକ ଦେଇଛି । ଲିଙ୍ଗରାଜ ମନ୍ଦିରର ଦୀର୍ଘ ବର୍ଷର ବକେୟା ବିଦ୍ୟୁତ ବିଲକୁ ନେଇ ବୁଧବାର ମନ୍ଦିର କାର୍ଯ୍ୟାଳୟର ବିଦ୍ୟୁତ ସଂଯୋଗ କାଟିଛନ୍ତି ଟିପିସିଓଡିଏଲ କର୍ମଚାରୀ ।
ବିଦ୍ୟୁତ ବିଲ ପୈଠ ନେଇ ସେବାୟତଙ୍କ ମଧ୍ୟରେ ଉପୁଜିଛି ଦ୍ବନ୍ଦ
ବିଦ୍ୟୁତ ସଂଯୋଗ କଟାଯିବା ପରେ ମନ୍ଦିରର ବିଭିନ୍ନ ନିଯୋଗର ସେବାୟତ ମାନେ ଏହାକୁ ତୀବ୍ର ବିରୋଧ କରିଛନ୍ତି । ବିଲ କିଏ ପୈଠ କରିବ ତାକୁ ନେଇ ଉଠିଛି ସବୁଠି ଦ୍ଵନ୍ଦ ଉପୁଜିଛି । ବିଏମସି ଏବଂ ମନ୍ଦିର ପ୍ରଶାସନ କିଏ ଏହି ବିଦ୍ୟୁତ ବିଲ ପୈଠ କରିବ ସେନେଇ ଉଠିଛି ବଡ ପ୍ରଶ୍ନ ?
ସେପଟେ ଏନେଇ ମନ୍ଦିର ପରିସରରେ ବକେୟା ବିଦ୍ୟୁତ ବିଲକୁ ନେଇ ବିଦ୍ୟୁତ ସଂଯୋଗ କଟାଯିବା ପରେ ମନ୍ଦିର ସେବାୟତଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
