ଭୁବନେଶ୍ବର: ରାଜଧାନୀରେ ଚାଲିଛି ଶିଶିର ସରସ ମେଳା 2019 । ଯେଉଁଥିରେ 300 ଷ୍ଟଲ ଲାଗିଛି । ହେଲେ ଏସବୁ ଭିତରେ ବାରି ହୋଇପଡୁଛି ଜଗତସିଂହପୁରର ମାଛ ଶୁଖୁଆ ଷ୍ଟଲ । ଯେଉଁଠି କିଛି ଭିଡ ଲାଗିଥିବା ଦେଖିବାକୁ ମିଳୁଛି ।
ମହିଳାଙ୍କୁ ରୋଜଗାରକ୍ଷମ କରିଛି ଶୁଖୁଆ ବେପାର
ଓଡିଶାର ଲୋକେ ପଖାଳ ସହ ଶୁଖୁଆ ଖାଇବା ପାଇଁ ପସନ୍ଦ କରୁଥିବାରୁ ଏହି ବେପାରକୁ ସେ ଆପଣାଇଥିବା କହିଛନ୍ତି ଷ୍ଟଲ ଲଗାଇଥିବା ବ୍ୟବସାୟୀ । ସେହିପରି ଶୁଖୁଆ ବେପାର ସେମାନଙ୍କୁ ସ୍ବାବଲମ୍ବୀ କରିବା ସହ ମାସିକ 5 ରୁ 6 ହଜାର ଟଙ୍କା ରୋଜଗାର ବି ଦେଉଥିବା ସେ ଦର୍ଶାଇଛନ୍ତି । ପୂର୍ବବର୍ଷରେ 7 ଟନ ଶୁଖୁଆ ମେଳା ସରିବାର ଦୁଇ ଦିନ ପୂର୍ବରୁ ଶେଷ ହୋଇ ଯାଇଥିବା ସହ ଚଳିତ ବର୍ଷ ତା ଠାରୁ ଅଧିକ ବେପାର ହେବାର ଆଶା ବାନ୍ଧିଛନ୍ତି ସେ ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
