ଦିବ୍ୟାଙ୍ଗ ଟିକ୍‌ଟକ୍‌ ଭିଡିଓ ଘଟଣା, ବାଲେଶ୍ବର ଏସପିଙ୍କୁ OHRCର ନୋଟିସ୍

ବାଲେଶ୍ବର ଦିବ୍ୟାଙ୍ଗ ଭିଡିଓ ଘଟଣାରେ ଏସପିଙ୍କୁ ରିପୋର୍ଟ ତଲବ ପାଇଁ ଓଏଚଆରସିଙ୍କ ନିର୍ଦ୍ଦେଶ । ପଢନ୍ତୁ ସମ୍ପୂର୍ଣ୍ଣ ରିପୋର୍ଟ...

ଭୁବନେଶ୍ବର: ବାଲେଶ୍ବରରେ ଦୁଇ ଦିବ୍ୟାଙ୍ଗଙ୍କ ଟିକ୍‌ଟକ୍ ଭିଡିଓ କରିବା ଘଟଣା । ବାଲେଶ୍ବର ଏସପିଙ୍କୁ ମାନବଧିକାର ଆୟୋଗଙ୍କ ନୋଟିସ୍। ଆସନ୍ତା ଫେବୃଆରୀ 10 ସୁଦ୍ଧା ରିପୋର୍ଟ ଦେବାକୁ ନିର୍ଦ୍ଦେଶ ଦେଇଛନ୍ତି ଆୟୋଗ ।

ଗତ କିଛି ଦିନ ତଳେ ବାଲେଶ୍ବର ଜିଲ୍ଲାର ଗୋପାଳପୁର ବଜାରରେ ରହୁଥିବା ଦୁଇ ଦିବ୍ୟାଙ୍ଗଙ୍କୁ ମଜା ଦେଖିବା ପାଇଁ ବିବାହ କରିବାକୁ ବାଧ୍ୟ କରାଯାଇଥିଲା । ଉଭୟଙ୍କୁ ଫୁଲମାଳ ପିନ୍ଧାଇ ବଜାରରେ ବୁଲାଇବା ସହ ଭିଡିଓ କରାଯାଇଥିଲା । ଯାହା ସୋସିଆଲ ମିଡିଆରେ ଘୁରି ବୁଲିଥିଲା । ଏହି ଘଟଣାକୁ ନେଇ ସାଧାରଣରେ ତିବ୍ର ପ୍ରତିକ୍ରିୟା ପ୍ରକାଶ ପାଇଥିଲା ।

ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ