ଭୁବନେଶ୍ବର: କୋରୋନା କଟକଣା ମଧ୍ୟରେ ବିନା ଭକ୍ତରେ ଶେଷ ହୋଇଛି ଶ୍ରୀଗୁଣ୍ଡିଚା ଯାତ୍ରା । ସର୍ବନିମ୍ନ ସେବାୟତଙ୍କୁ ନେଇ ରଥଟଣା ହୋଇଥିବାବେଳେ ତିନି ରଥ ଶରଦାବାଲିରେ ଲାଗିସାରିଛି । ତେବେ ଶାନ୍ତି ଶୃଙ୍ଖଳା ମଧ୍ୟରେ ମହାପ୍ରଭୁଙ୍କ ଶ୍ରୀଗୁଣ୍ଡିଚା ଯାତ୍ରା ସମ୍ପନ୍ନ ହୋଇଥିବାରୁ ଜନସାଧାରଣକୁ ଧନ୍ୟବାଦ ଜଣାଇଛନ୍ତି ରାଜ୍ୟର ପୋଲିସ ଡିଜି ଅଭୟ ।
ରଥଯାତ୍ରାରେ ନିୟୋଜିତ ସମସ୍ତ ପୋଲିସକର୍ମୀ ନିଷ୍ଠାର ସହ ନିଜ କର୍ତ୍ତବ୍ୟ କରିଥିବାରୁ ସେମାନଙ୍କୁ ଟ୍ବିଟ କରି ସାଧୁବାଦ ଜଣାଇଛନ୍ତି ଡିଜିପି । ଏହାସହ ଜନସାଧରଣ ବିଶେଷକରି ପୁରୀ ବାସିନ୍ଦାଙ୍କୁ ସେମାନଙ୍କ ସହୋଯୋଗ ପାଇଁ ଧନ୍ୟବାଦ ଜ୍ଞାପନ କରିଛନ୍ତି ଅଭୟ ।
କୋରୋନା କଟକଣା ମଧ୍ୟରେ ରଥଯାତ୍ରା ରାଜ୍ୟ ସରକାର ଓ ପ୍ରଶାସନ ପାଇଁ ଏକ ବଡ ଚ୍ୟାଲେଞ୍ଜ ଥିଲା । ହେଲେ ମହାପ୍ରଭୁଙ୍କ କୃପାରୁ ସବୁ କିଛି ସୁରୁଖୁରୁରେ ସମ୍ପାଦନ ହୋଇଛି । ସୁପ୍ରିକୋର୍ଟଙ୍କ ରାୟ ଆସିବା ପରେ ମୁଖ୍ୟମନ୍ତ୍ରୀ ଡିଜିପିଙ୍କୁ ସଙ୍ଗେସଙ୍ଗେ ପୁରୀ ପଠାଇଥିଲେ । ପୋଲିସ ପ୍ରଶାସନ ସହଯୋଗରେ ସବୁକିଛି କାର୍ଯ୍ୟକୁ ସମୟାନୁଯାୟୀ ଶୃଙ୍ଖଳିତଭାବେ ସମାପନ କରାଯାଇଛି ।
