ଭୁବନେଶ୍ବର: ପରଲୋକରେ ପପ୍-ସିଙ୍ଗର ବା ଗୋଲ୍ଡେନ ମ୍ୟାନ ବାପି ଲେହରୀ । ୬୯ ବର୍ଷ ବୟସରେ ମୁମ୍ବାଇର ଏକ ଘରୋଇ ହସ୍ପିଟାଲରେ ଶେଷ ନିଶ୍ବାସ ତ୍ୟାଗ କରିଛନ୍ତି ଏହି ସୁନାମଧନ୍ୟ ସିଙ୍ଗର । ନିଜର ଭିନ୍ନ ରୂପ ଓ ଶୈଳୀ ପାଇଁ ୮୦ ଓ ୯୦ ଦଶକରେ ବଲିଉଡରେ ରାଜ କରୁଥିଲେ । ସୁପରହିଟ୍ ଫିଲ୍ମ ଚଲତେ ଚଲତେ, କଭୀ ଅଲବିଦା ନା କେହେନା, ଆଇ ଆମ୍ ଏ ଡିସ୍କୋ ଡାନ୍ସର, ଶରାବୀ ଗୀତ ପାଇଁ ଘରେ ଘରେ ଲୋକପ୍ରୟତା ହାସଲ କରିବା ସହ ବଲିଉଡର ସେ ଥିଲେ ଡିସ୍କୋ କିଙ୍ଗ ।
କେବଳ ଯେ, ବଲିଉଡ କାହିଁକି ଓଡ଼ିଆ ସଙ୍ଗୀତ ଏବଂ ଚଳଚ୍ଚିତ୍ର ଜଗତ ପାଇଁ ମଧ୍ୟ ତାଙ୍କର ଅନେକ ଅବଦାନ ରହିଛି । ଓଡ଼ିଆ ସିନେମାର ଅନେକ ଗୀତ କାମ୍ପୋଜ କରି ଥିବାବେଳେ ଶେଷଥର ୩ ଟି ଗୀତ କମ୍ପୋଜ କରିଥିଲେ ବାପି ଲାହିରୀ । 'ମୋ ଦୁନିଆ ତୁ ହିଁ ତୁ' ଫିଲ୍ମର ଟାଇଟଲ ସଙ୍ଗ୍ ମଧ୍ୟ ଗାଇଥିଲେ । ସେହିପରି ଓଡିଶାରେ ଅନେକ ସାଂସ୍କୃତିକ କାର୍ଯ୍ୟକ୍ରମରେ ଯୋଗଦେଇ ଥିବାବେଳେ ପୂର୍ବ ବର୍ଷ ମହାପ୍ରଭୁଙ୍କ ଜାଗର ଯାତ୍ରାରେ ଗୀତ ଗାଇଥିଲେ ବାପି ଲେହରୀ । ସେହିପରି ଓଡ଼ିଆ ଚଳଚ୍ଚିତ୍ର ‘ମିଛ ମାୟା ସଂସାର’ରେ ସଙ୍ଗୀତ ନିର୍ଦ୍ଦେଶନା ଦେଇଥିଲେ ।
ଏହା ମଧ୍ୟ ପଢନ୍ତୁ:- ଆଉ ନାହାନ୍ତି ଲୋକପ୍ରିୟ ଗାୟକ ବାପି ଲେହରୀ
ତାଙ୍କର ପ୍ରତିଟି ଗୀତ ହୃଦୟସ୍ପର୍ଶୀ ହୋଇ ଥିବାବେଳେ ସେ ସଙ୍ଗୀତର ଜଣେ ଧାରା ପରିବର୍ତ୍ତନର ପରିଚାୟକ ଥିଲେ । ତାଙ୍କର ଏହି ନିଆରା ଧାରାକୁ ନେଇ ତାଙ୍କ ଆବର୍ତ୍ତନରେ କେବଳ ଯେ, ବଲିଓଡ କାହିଁକି ଓଲିଉଡ ଜଗତରେ ମଧ୍ୟ ଶୋକର ଛାୟା ଖେଳିଯାଇଛି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
