ଭୁବନେଶ୍ବର: ରାଜ୍ୟରେ ଦୈନିକ ସଂକ୍ରମଣରେ ସମାନ୍ୟ ବ୍ରେକ ଲାଗିଛି । ମାତ୍ର ମୃତ୍ୟୁ ସଂଖ୍ୟା କମୁନାହିଁ । ରାଜ୍ୟରେ ଆଜି(ମଙ୍ଗଳବାର) ପୁଣି ଆଉ 37ଜଣଙ୍କ ଜୀବନ ନେଇଛି କିଲର କୋରୋନା । ଅନୁଗୋଳରୁ ସର୍ବାଧିକ 5ଜଣଙ୍କ ମୃତ୍ୟୁ ହୋଇଥିବା ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ମିଳିଛି । ଲଗାତାର ପାଞ୍ଚଦିନ ହେବ ଅନୁଗୋଳରୁ ସର୍ବାଧିକ ମୃତ୍ୟୁ ରିପୋର୍ଟ ଆସୁଛି ।
- https://twitter.com/HFWOdisha/status/1399586434844004354
ଆଜିର ମୃତକଙ୍କ ମଧ୍ୟରେ ଅନୁଗୋଳରୁ ଜଣେ 70ବର୍ଷୀୟ ମହିଳା, 76 ବର୍ଷୀୟ ବୃଦ୍ଧ,ଜଣେ 68 ବର୍ଷୀୟ ବୃଦ୍ଧ,ଜଣେ 50ବର୍ଷୀୟ ପୁରୁଷ ଓ ଜଣେ 38ବର୍ଷୀୟ ଯୁବକଙ୍କର ମୃତ୍ୟୁ ହୋଇଛି । ସେହିପରି ଭୁବନେଶ୍ବରରୁ ଜଣେ 75ବର୍ଷୀୟ ବୃଦ୍ଧା,ଜଣେ 54ବର୍ଷୀୟ ପୁରୁଷ ଓ ଜଣେ 62 ବର୍ଷୀୟ ପୁରୁଷଙ୍କର ମୃତ୍ୟୁ ହୋଇଥିବାବେଳେ କଟକରୁ ଜଣେ 82 ବର୍ଷୀୟ ପୁରୁଷ, 59 ବର୍ଷୀୟ ପୁରୁଷ ଓ ଜଣେ 65 ବର୍ଷୀୟ ପୁରୁଷଙ୍କର ମୃତ୍ୟୁ ହୋଇଛି । ସେହିପରି ଗଜପତିରୁ ଦୁଇଜଣ 59ବର୍ଷୀୟ ପୁରୁଷଙ୍କର ଜୀବନ ଯାଇଥିବାବେଳେ ସେହିପରି ଗ଼ଞ୍ଜାମରୁ ଜଣେ 50 ବର୍ଷୀୟ ପୁରୁଷଙ୍କର ମୃତ୍ୟୁ ହୋଇଛି ।
ସେହିପରି ଝାରସୁଗୁଡାରୁ ଦୁଇଜଣ 47ବର୍ଷୀୟ ପୁରୁଷଙ୍କର ମୃତ୍ୟୁ ହୋଇଥିବାବେଳେ ଜଣେ 36ବର୍ଷୀୟ ପୁରୁଷଙ୍କର ମୃତ୍ୟୁ ହୋଇଛି । କଳାହାଣ୍ଡିରୁ 64ବର୍ଷୀୟ ପୁରୁଷ, ଜଣେ 55ବର୍ଷୀୟ ପୁରୁଷ ଓ ଜଣେ 37 ବର୍ଷୀୟ ଯୁବକଙ୍କର ମୃତ୍ୟୁ ହୋଇଥିବାବେଳେ ଜଣେ 70ବର୍ଷୀୟ ମହିଳାଙ୍କର ମୃ୍ତ୍ୟୁ ହୋଇଛି । ସେହିପରି କୋରାପୁଟରୁ ଜଣେ 55ବର୍ଷୀୟ ପୁରୁଷଙ୍କର ମୃତ୍ୟୁ ହୋଇଥିବାବେଳେ କେନ୍ଦ୍ରାପଡାରୁ ଜଣେ 62ବର୍ଷୀୟ ପୁରୁଷ ଓ ଜଣେ 50ବର୍ଷୀୟ ମହିଳାଙ୍କର ମୃ୍ତ୍ୟୁ ହୋଇଛି । ନବରଙ୍ଗପୁରରୁ ଜଣେ 52ବର୍ଷୀୟ ପୁରୁଷ, 45ବର୍ଷୀୟ ପୁରୁଷଙ୍କର ମୃତ୍ୟୁ ହୋଇଥିବାବେଳେ ନୂଆପଡାରୁ ଜଣେ 74ବର୍ଷୀୟ ବୃଦ୍ଧା ଓ ଜଣେ 45ବର୍ଷୀୟ ପୁରୁଷଙ୍କର ମୃତ୍ୟୁ ହୋଇଛି । ନୂଆପଡାରୁ ଜଣେ 45ବର୍ଷୀୟ ମହିଳାଙ୍କର ମୃତ୍ୟୁ ହୋଇଛି ।
ସେହିପରି ରାୟଗଡାରୁ ଜଣେ 60ବର୍ଷୀୟ ପୁରୁଷଙ୍କର ମୃତ୍ୟୁ ହୋଇଥିବାବେଳେ ସୁବର୍ଣ୍ଣପୁରରୁ ଜଣେ 19ବର୍ଷୀୟ ଯୁବତୀ, 45ବର୍ଷୀୟ ପୁରୁଷଙ୍କର ମୃତ୍ୟୁ ହୋଇଥିବାବେଳେ ସୁନ୍ଦରଗଡରୁ ଜଣେ 58ବର୍ଷୀୟ ପୁରୁଷ ଓ ଜଣେ 54ବର୍ଷୀୟ ପୁରୁଷ ଓ ଜଣେ 58 ବର୍ଷୀୟ ପୁରୁଷ କୋରୋନାରେ ଆଖି ବୁଜିଛନ୍ତି । ଆଜିର ମୃତକଙ୍କୁ ମିଶାଇ ରାଜ୍ୟରେ କୋରୋନା ଜନିତ ମୃତ୍ୟୁସଂଖ୍ୟା ୨୭91କୁ ବୃଦ୍ଧି ପାଇଛି ।
ବ୍ୟୁରୋ ରିପୋର୍ଟ,ଇଟିଭି ଭାରତ
