ଭୁବନେଶ୍ୱର: କାମବାଲିର କଳାକାରନାମା, କୋଟିଏ ଟଙ୍କାର ଗହଣା ଲୁଟ କରି ବନିଥିଲା କୋଟିପତି । ଭୁବନେଶ୍ୱର ରାଜମହଲରୁ ଗିରଫ କଲା ଦିଲ୍ଲୀ ପୋଲିସ । ଏହାସାଙ୍ଗକୁ ଚୋରୀ ଗହଣା ମଧ୍ୟ ଜବତ କରିଛି ପୋଲିସ ।
ଦିଲ୍ଲୀରୁ ଚୋରୀ, ଭୁବନେଶ୍ୱରରୁ ଗିରଫ । କାମ କରୁଥିବା ମାଲିକଙ୍କ ଘରେ କଳାକନା ବୁଲାଇ କାମବାଲି ସାଜିଥିଲା କୋଟିପତି । ଏପରି ଜଣେ ମହିଳା ଲୁଟେରାକୁ ଗିରଫ କରିଛି ଦିଲ୍ଲୀ ପୋଲିସ । ମହିଳା ଲୁଟେରା ଅଭିଯୁକ୍ତ ଜଣକ ହେଉଛନ୍ତି ସାଲିଆ ସାହିର ସୁଜାତା ମହାପାତ୍ର । ତାଙ୍କୁ କ୍ୟାପିଟାଲ ଥାନା ସାହାଯ୍ୟରେ ଦିଲ୍ଲୀ ମେହେରୁଲି ପୋଲିସ ଗିରଫ କରି ଟ୍ରାଞ୍ଜିଟ ରିମାଣ୍ଡରେ ନେଇଛି ।
ତେବେ ସମସ୍ତଙ୍କ ଘରେ କାମବାଲି ଭାବରେ କାମ କରୁଥିବା ସୁଜାତା କେହି ନ ଥିବାର ସୁଯୋଗ ନେଇ ସୁନା ଓ ହୀରା ଗହଣା ଲୁଟି ଫେରାର ହୋଇ ଯାଉଥିଲା । ଯାହାକୁ ନେଇ ଦିଲ୍ଲୀର କେତେକ ଅଞ୍ଚଳବାସୀ କିଏ ଚୋରି କରୁଛି ବୋଲି ଜାଣିବା ପାଇଁ ନାକେଦମ୍ ହୋଇପଡିଥିଲେ । ପରେ ଏନେଇ ଥାନାରେ ଅଭିଯୋଗ କରିବା ପରେ ଦିଲ୍ଲୀ ପୋଲିସ ଓଡିଶା ପୋଲିସ ସହାୟତାରେ ଅଭିଯୁକ୍ତ କାମବାଲିକୁ ଭୁବନେଶ୍ବର ସ୍ଥିତ ସାଲିଆ ସାହିରୁ ଗିରଫ କରିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
