ଭୁବନେଶ୍ବର: ରାଜ୍ୟର ପାଣିପାଗ ସୂଚନା କେନ୍ଦ୍ର ଅନୁସାରେ ଜୁଲାଇ ଶେଷସୁଦ୍ଧା ରାଜ୍ୟରେ 9.0 ପ୍ରତିଶତ କମ୍ ବୃଷ୍ଟିପାତ ହୋଇଛି । ଜୁନ ଓ ଜୁଲାଇ ମାସରେ ମଧ୍ୟରେ ଦ୍ରୁତ ଗତିରେ ବର୍ଷାର ହାର କମିଥିବାର ଦେଖିବାକୁ ମିଳିଛି । ବର୍ତ୍ତମାନ ସୁଦ୍ଧା 309.4 ମିଲିମିଟର ବର୍ଷା ରେକର୍ଡ କରାଯାଇଛି ।
ମାଲକାନଗିରି ଜିଲ୍ଲାରେ ସର୍ବାଧିକ 633.8 ମିଲିମିଟର ବର୍ଷା ହୋଇଥିବା ବେଳେ ଭଦ୍ରକରେ ସର୍ବନିମ୍ନ 178.9ମିଲିମିଟର ବର୍ଷା ହୋଇଛି । ଜୁନ-ଜୁଲାଇର ମୋଟ ହାରାହାରି ବର୍ଷା ଆକଳନ କଲେ ରାଜ୍ୟରେ ପ୍ରାୟ 17.7 ପ୍ରତିଶତ ବର୍ଷା ହୋଇଥିବା ଜଣାପଡିଛି ।
ରାଜ୍ୟର 11ଟି ଜିଲ୍ଲା ଯଥା ନବରଙ୍ଗପୁର, ମାଲକାନାଗିରି, ପୁରୀ, କଳାହାଣ୍ଡି, ଖୋର୍ଦ୍ଧା, କଟକ,ଜଗତସିଂହପୁର, ବରଗଡ, ଗଞ୍ଜାମ, ସୁବର୍ଣ୍ଣପୁର ଓ ରାୟଗଡାରେ ସ୍ବଭାବିକ ବୃଷ୍ଟିପାତ ହୋଇଥିବା ବେଳେ 17 ଟି ଜିଲ୍ଲାରେ 19 ରୁ 30 ପ୍ରତିଶତ କମ୍ ବର୍ଷା ହୋଇଛି । ଅନ୍ୟପକ୍ଷେ ସୁନ୍ଦରଗଡରେ ଆକଳନ କରାଯାଇଥିବା ବର୍ଷାରୁ ପ୍ରାୟ 39-59 ପ୍ରତିଶତ କମ ବର୍ଷା ହୋଇଛି ।
ବ୍ଲକ ଅନୁସାରେ ଆକଳନ କଲେ 32ଟି ବ୍ଲକରେ 19 ପ୍ରତିଶତ ଅଧିକ ବର୍ଷା ହୋଇଥିବା ବେଳେ 115ଟି ବ୍ଲକରେ ସ୍ବଭାବିକ ବର୍ଷା ହୋଇଛି । ଅନ୍ୟପକ୍ଷେ 63ଟି ବ୍ଲକରେ ସ୍ବଭାବିକରୁ କମ ବର୍ଷା ହୋଇଛି । ତେବେ
ଆଗାମୀ 4 ଅଗଷ୍ଟରୁ ସାରା ରାଜ୍ୟରେ ଲଘୁଚାପ ଜନିତ ବର୍ଷା ହେବାର ସମ୍ଭାବନା ରହିଛି । ଆସନ୍ତା 3ରୁ ଉପକୂଳ ମୌସୁମି ସକ୍ରିୟ ରୂପ ନେଉଥିବାରୁ ସାରା ରାଜ୍ୟ ଲଘୁଚାପ ବର୍ଷାରେ ଭିଜିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
