ଭୁବନେଶ୍ବର: ହସ୍ପିଟାଲରେ ପେଗିଲେଟେଡ୍ ଇଣ୍ଟରଫେରନ୍ ଆଲଫା-୨ ବି ବ୍ୟବହାର କରିବାକୁ DCGI ର ଅନୁମତି । କ୍ୟାସିରିଭିମାବ ଏବଂ ଇମଡେଭିମାବକୁ ମଧ୍ୟ ଅନୁମତି ମିଳିଛି । ଏନେଇ ରାଜ୍ୟର ମୁଖ୍ୟ ଜିଲ୍ଲା ଚିକିତ୍ସାଳୟ ନିର୍ଦ୍ଦେଶକଙ୍କୁ ଚିଠି ଲେଖିଛନ୍ତି ସ୍ବାସ୍ଥ୍ୟ ବିଭାଗ ।
EUA ନିୟମାବଳୀ ଅନୁଯାୟୀ ସୂଚକ ଓ ଆବଶ୍ୟକତାକୁ କଡାକଡି ଭାବରେ ପାଳନ କରୁଥିବା ପ୍ରେସକ୍ରାଇବ ଡାକ୍ତରଙ୍କ ଦ୍ୱାରା ଏହାର ବ୍ୟବହାର ପାଇଁ ରାଜ୍ୟରେ ଏହି ଔଷଧ ଉପଲବ୍ଧ କରାଇବାକୁ ନିଷ୍ପତ୍ତି ନିଆଯାଇଛି । ଏହି ଔଷଧଗୁଡ଼ିକ OSMCL ଏବଂ ଅନ୍ୟାନ୍ୟ ମନୋନୀତ ବିତରଣ ସାଇଟରେ ଷ୍ଟକ ରଖାଯିବ । ସୁପରିଣ୍ଟେଣ୍ଡେଣ୍ଟ ଏବଂ CDM ମାଧ୍ୟମରେ ପ୍ରେସକ୍ରିପସନ୍ କରୁଥିବା ଡାକ୍ତରଙ୍କ ଦ୍ବାରା ଏହି ଔଷଧ ପ୍ରଦାନ କରାଯିବ । ଯାହାକୁ ନେଇ ସ୍ୱାସ୍ଥ୍ୟ ବିଭାଗ ମଙ୍ଗଳବାର କ୍ୟାପିଟାଲ ହସ୍ପିଟାଲର ନିର୍ଦ୍ଦେଶକ, ମେଡିକାଲ କଲେଜ ଏବଂ ହସ୍ପିଟାଲ ସମେତ RGH ରାଉରକେଲା ନିର୍ଦ୍ଦେଶକଙ୍କୁ ଚିଠି ଲେଖଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
