ଭୁବନେଶ୍ବର: ଫେବୃଆରୀ 10ରେ ‘ମୋ ସରକାର’ରେ ମିଶିବ ରାଜସ୍ବ ବିଭାଗ । Odisha right to public serviceରେ ଯେଉଁ ସବୁ ମାମଲା ଏବେ ମଧ୍ୟ ପଡ଼ି ରହିଛି ତାହାକୁ ଫେବୃୟାରୀ 5 ସୁଦ୍ଧା ସମାଧାନ କରିବା ପାଇଁ ନିର୍ଦ୍ଦେଶ ଦିଆଯାଇଛି । ପରେ 10 ତାରିଖରେ ମୋ ସରକାରକୁ ଆସିବାକୁ ସକ୍ଷମ ହେବ ବିଭାଗ ।
ରାଜସ୍ବ ବିଭାଗ ଯୋଡି ହେବାପରେ ଯେଉଁଦିନ ରେଜିଷ୍ଟ୍ରର ଅଫିସରେ ପଞ୍ଜିକରଣ ହେବ, ସେହିଦିନ ଅପରାହ୍ଣରେ ସମସ୍ତ ରେଜିଷ୍ଟ୍ରେସନ ତଥ୍ୟ ମିଳିବ । ଫେବୃୟାରୀ 1ରୁ ଏହା ଲାଗୁ ହେବ । ପରେ ଏପ୍ରିଲ 1ରୁ ଘଣ୍ଟାକ ମଧ୍ୟରେ ମିଳିବ ସମସ୍ତ କାଗଜପତ୍ର । ଏଥିପାଇଁ ଯେଉଁ ତହସିଲଦାରଙ୍କ ବକେୟା କାମ ରହିଛି, ସେମାନଙ୍କ ଛୁଟି ବାତିଲ କରିଛି ରାଜସ୍ବ ବିଭାଗ ।
ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ ମହାପାତ୍ରଙ୍କ ସୂଚନା ଅନୁଯାୟୀ, ଅନେକ କଲେଜ ପ୍ରତିଷ୍ଠା ହୋଇଥିଲେ ମଧ୍ୟ ସମ୍ପୃକ୍ତ କଲେଜ ନାଁରେ ଜମି ନାହିଁ । ଯୁକ୍ତ ଦୁଇ ଓ ଯୁକ୍ତ ତିନି କଲେଜ ନିଜ ନାମରେ ଜମି କରାଇବା ପାଇଁ ତହସିଲଦାରଙ୍କ ପାଖରେ ଆବେଦନ କରିବା ପାଇଁ ନିର୍ଦ୍ଦେଶ ଦିଆଯାଇଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
