ଭୁବନେଶ୍ବର: ପାଖଉଛି ବାତ୍ୟା ଜଓ୍ବାଦ (Cyclone Jawad) । ଆଜି ରାତି ୧୧.୩୦ରେ ଗଭୀର ଅବପାତର ରୂପ ନେବ (Deep Depression)ସାମୁଦ୍ରିକ ଝଡ ଜଓ୍ବାଦ । ସେହି ସମୟରେ ପବନର ବେଗ 50 ରୁ 60 କିମି ରହିବାର ସମ୍ଭାବନା ରହିଛି । ଏହା ସହ ପୁରୀ ନିକଟତର ହେବାବେଳକୁ ଏହା ବାତ୍ୟା ରୂପରେ ନ ରହି ଗଭୀର ଅବପାତ ରୂପରେ ପହଞ୍ଚିବ । ତେବେ ଦିଗ ପରିବର୍ତ୍ତନ କରୁଥିବାରୁ ଦୁର୍ବଳ ହେଉଛି ବାତ୍ୟା । ଏବେ ଉତ୍ତର ଦିଗରେ ଏହା ଗତି କରୁଛି ।
ଅନ୍ୟପଟେ ଏହାର ପ୍ରଭାବରେ ଆଜି ରାଜ୍ୟରେ ବର୍ଷା ଜାରି ରହିଛି (Heavy Rainfall) । ସର୍ବାଧିକ ବର୍ଷା ପାରାଦୀପରେ 82 ମିମି ରେକର୍ଡ ହୋଇଥିବା ବେଳେ ଭୁବନେଶ୍ୱର ରେ 13.5ମିମି ରେକର୍ଡ କରାଯାଇଛି । ଉପକୂଳ ଓଡିଶାରେ ବର୍ଷାର ମଧ୍ୟ ପ୍ରଭାବ ରହିବ। 5 ତାରିଖ ପର ଠାରୁ ବର୍ଷାର ପରିମାଣ କମିବ। ତେବେ ବାତ୍ୟାର ପ୍ରଭାବରେ ବର୍ଷା ଜାରି ରହିଥିବା ବେଳେ ୧୨୯ ବର୍ଷର ରେକର୍ଡ ବଜାୟ ରହିଥିବା ସୂଚନା ମିଳିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
