ଭୁବନେଶ୍ବର: କୃଟକୁ ଆଉ ଏକ ସଫଳତା। କୃଟକୁ ମିଳିଲା ସ୍ମାର୍ଟ ବିଶେଷ ପ୍ରୟୋଜନ ମାଧ୍ୟମ ସଂସ୍ଥା (SPV) ଆୱାର୍ଡ।
ରାଜଧାନୀ କ୍ଷେତ୍ରରେ ପ୍ରିୟ ସିଟି ବସ୍ ସେବା 'ମୋ ବସ୍'କୁ ପୁଣିଥରେ ଦେଶର ଶୀର୍ଷ ପୁରସ୍କାର ମିଳିଛି । କ୍ରୁଟ ଦେଶର ଶ୍ରେଷ୍ଠ ସ୍ମାର୍ଟ ବିଶେଷ ପ୍ରୟୋଜନ ମାଧ୍ୟମ ସଂସ୍ଥା ବିବେଚିତ ହୋଇଛି । ଷଷ୍ଠ ସ୍ମାର୍ଟ ସିଟି ଇଣ୍ଡିଆ ଆୱାର୍ଡ କାର୍ଯ୍ୟକ୍ରମ ଶୁକ୍ରବାର ପ୍ରଗତି ମଇଦାନ ଦିଲ୍ଲୀରେ ଶେଷ ହୋଇଛି । ସେଠାରେ କୃଟ କିଭଳି ଆଞ୍ଚଳିକ ପରିବହନ କ୍ଷେତ୍ରରେ ଗତ ୨ ବର୍ଷ ମଧ୍ୟରେ ଭଲ କାର୍ଯ୍ୟ କରି ବିଭିନ୍ନ ସୃଜନାତ୍ମକ ପଦେକ୍ଷପ ନେଇଛି ତାହା ଚର୍ଚ୍ଚାର ବିଷୟ ହୋଇଥିଲା ।
ଭାରତ ବ୍ୟାପାର ସପଦ୍ଧନ ସଂଗଠନ ପ୍ରତିବର୍ଷ ଏହି ପୁରସ୍କାର ଦେଉଛି । ନିକଟରେ କୋଭିଡ୍ ସମୟରେ ୟୁଏମଆଇ ଏହି ପୁରସ୍କାର ପ୍ରଦାନ କରିଥିଲା । ଗତବର୍ଷ ମଧ୍ୟ ଶ୍ରେଷ୍ଠ ସ୍ମାର୍ଟ ପରିବହନ ଯୋଜନା ଭାବେ ୟୁଏମଆଇ ପୁରସ୍କୃତ କରିଥିଲା । ଏହି ପୁରସ୍କାରକୁ ଦୀପ୍ତି ମହାପାତ୍ର (ମହା ପ୍ରବନ୍ଧକ) କ୍ରୁଟ୍ ତରଫରୁ ଗ୍ରହଣ କରିଥିଲେ ।
ଏହି ପରିପ୍ରେକ୍ଷୀରେ କୃଟ ଏମଡି ଅରୁଣ ବୋଥ୍ରା କୃଟର ଏହି ଅଭୁତପୂର୍ବ ସଫଳତା ପାଇଁ ସମସ୍ତ କ୍ୟାପଟେନ୍ ସହିତ ପୁରା ଅପରେସନ୍ ଟିମକୁ ଅଭିନନ୍ଦନ ଜଣାଇଛନ୍ତି। ଯାତ୍ରୀମାନଙ୍କ ବିଶ୍ବାସ ପାଇଁ ସମସ୍ତଙ୍କୁ ସେମାନଙ୍କ ପାଖରେ କୃତଜ୍ଞ ବୋଲି ଜଣାଇଛନ୍ତି । ଏହିଭଳି ସମ୍ମାନ ଆହୁରି ଅଧିକା କାମ କରିବା ପାଇଁ ଆମକୁ ପ୍ରୋତ୍ସାହିତ କରିବ ଓ ଯାତ୍ରୀମାନଙ୍କ ସୁରକ୍ଷା ଆମେ ସବୁବେଳେ ପ୍ରାଥମିକତା ଦେବୁ ବୋଲି କହିଛନ୍ତି ।
ସୁରକ୍ଷା ନିୟମ ଗୁଡିକୁ ଅନୁସରଣ କରି ମହାମାରୀ ସମୟରେ ଆମ ସହିତ ଯାତ୍ରା ଜାରି ରଖିବା ପାଇଁ ବୋଥ୍ରା ଅନୁରୋଧ କରିଛନ୍ତି । 'ମୋ ବସ୍' ସେବା ଯାତ୍ରୀମାନଙ୍କ ଦୈନନ୍ଦିନ ଜୀବନର ଏକ ଅଭିନ୍ନ ଅଙ୍ଗ ସାଜିଛି । ପୁଣିଥରେ ଦୈନିକ ୧ ଲକ୍ଷରୁ ଉର୍ଦ୍ଧ୍ବ ଯାତ୍ରୀ ମୋ ବସ୍ ସେବାର ବ୍ୟବହାର କରୁଛନ୍ତି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
