ଭୁବନେଶ୍ବର: ସାରା ଦେଶରେ ପେଟ୍ରୋଲ, ଡିଜେଲ ସମେତ ରନ୍ଧନ ଗ୍ୟାସ ଦର ଅନିୟନ୍ତ୍ରିତ ଭାବେ ବୃଦ୍ଧି ପାଉଛି । ଯାହାକି ଅନେକ ବର୍ଷର ରେକର୍ଡ ଭାଙ୍ଗି ବର୍ତ୍ତମାନ ସର୍ବୋଚ୍ଚ ଦରରେ ପହଁଚିଛି । ଉଭୟ ସରକାର ନିଜର ମୁନାଫା ପାଇଁ ସେଥିରେ ଆଖିବୁଜା ଟିକସ ଆଦାୟ କରୁଥିବାରୁ ଖାଉଟି ହନ୍ତସନ୍ତ ହେଉଛନ୍ତି । ଯାହାର ପ୍ରତିବାଦରେ ଭାରତୀୟ କମ୍ୟୁନିଷ୍ଟ ପାର୍ଟି, ମାର୍କସବାଦୀ ପକ୍ଷରୁ ସ୍ଥାନୀୟ ମାଷ୍ଟର କ୍ୟାଣ୍ଟିନ ଛକରେ ବିକ୍ଷୋଭ ପ୍ରଦର୍ଶନ କରାଯାଇଛି।
ଇନ୍ଧନ ଓ ଗ୍ୟାସ ଦର ବୃଦ୍ଧି ପ୍ରତିବାଦରେ ସିପିଆଇଏମ ପକ୍ଷରୁ ବିକ୍ଷୋଭ ପ୍ରଦର୍ଶନ
ଏକାଧିକ ଦଳୀୟ କର୍ମକର୍ତା ଓ କର୍ମୀମାନେ ଏକତ୍ରିତ ହୋଇ ମୋଦି ସରକାର ବିରୁଦ୍ଧରେ ନାରାବାଜି ଦେବା ସହ ତୁରନ୍ତ ଦରଦାମ ବୃଦ୍ଧି ନିୟନ୍ତ୍ରଣ କରିବାକୁ ଦାବି କରିଛନ୍ତି । ନଚେତ ଆଗାମୀ ଦିନରେ ଏହି ଆନ୍ଦୋଳନ ଜନଜାଗରଣରେ ପରିଣତ ହେବା ସହ ଏହାର ଜବାବ ଲୋକମାନେ ଭୋଟ ମାଧ୍ୟମରେ ଦେଇ ତାଙ୍କ ସରକାରରୁ ବିତାଡିତ କରିବେ ବୋଲି ସେମାନେ ମତ ପ୍ରକାଶ କରିଛନ୍ତି।
ଭୁବନେଶ୍ୱରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
