ଭୁବନେଶ୍ବର: ବର୍ତ୍ତମାନ ରାଜ୍ୟରେ ନିୟନ୍ତ୍ରଣାଧୀନ ଅଛି ମହାମାରୀ । ଓଡିଶାରେ ସଂକ୍ରମଣ ସଂଖ୍ୟା ଦୁଇ ହଜାରରେ ସ୍ଥିର ରହୁଛି । ହେଲେ ଟ୍ବିନସିିଟିରେ ଥମିବାର ନାଁ ନେଉନି ସଂକ୍ରମଣ । ମୁଖ୍ୟତଃ କଟକ ଭୁବନେଶ୍ବର ସ୍ବାସ୍ଥ୍ୟ ହବ୍ ହୋଇଥିବା ଯୋଗୁଁ ଏଠାରେ ସହରର ଜନସଂଖ୍ୟା ଅପେକ୍ଷା ଅଧିକ ବାହାର ଲୋକେ ଯାତାୟତ କରନ୍ତି । ଫଳରେ ଟ୍ବିନସିଟିରେ ସଂକ୍ରମଣ ନିୟନ୍ତ୍ରଣକୁ ଆସୁନାହିଁ ବୋଲି କହିଛନ୍ତି ଡିଏମଇଟି ସିବିକେ ମହାନ୍ତି ।
ଅନ୍ୟପଟେ ଟ୍ବିନ ସିଟିରେ ସଂକ୍ରମଣ ହାର ଅଧିକ ନେଇ ପ୍ରତିକ୍ରିୟା ରଖିଛନ୍ତି ଆଇଏଲଏସ ନିର୍ଦ୍ଦେଶକ ଅଜୟ ପରିଡା । କଟକ ଭୁବନେଶ୍ବରରେ ସଂକ୍ରମଣ ହାର ସମୁଦାୟ କେସର ୪୦ ପ୍ରତିଶତ । ଏହିଠାରେ ଜନସଂଖ୍ୟା ବହୁତ ଅଧିକ । ବହୁ ମାତ୍ରାରେ ବାହାର ଜିଲ୍ଲାର ଲୋକେ ଏହିଠାକୁ ଯାତାୟତ କରନ୍ତି । ଯାହା ସଂକ୍ରମଣ ବୃଦ୍ଧିର ମୁଖ୍ୟ କାରଣ । ସେହିପରି କିଛି ଦିନ ଧରି ରାଜ୍ୟରେ କଟକଣା କୋହଳ ପରେ ଲୋକମାନେ ନିୟମ ମାନୁନାହାନ୍ତି । ଏଥିଯୋଗୁଁ ମଧ୍ୟ ଟ୍ବିନସିଟିରେ ସଂକ୍ରମଣ ବଢୁଛି ବୋଲି କହିଛନ୍ତି ଅଜୟ ପରିଡା ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
