ଭୁବନେଶ୍ବର: ରାଜ୍ୟରେ ପୁଣି 67 ଆକ୍ରାନ୍ତ ଚିହ୍ନଟ। ମୋଟ ଆକ୍ରାନ୍ତ ସଂଖ୍ୟା 1336 ରେ ପହଁଚିଛି । ସେପଟେ କୋରୋନା ରାଜ୍ୟର 27 ଟି ଜିଲ୍ଲାକୁ ବ୍ୟାପିଛି।
ପ୍ରଥମ ଥର ପାଇଁ ବରଗଡରେ ପଶିଛି କୋରନା । ଜିଲ୍ଳାରେ ଜଣେ ମାତ୍ର କୋରୋନାରେ ଆକ୍ରାନ୍ତ ହୋଇଛନ୍ତି। ପୁରୀରେ 16, କଟକ 2 , ଗଂଜାମ 7, ଖୋର୍ଦ୍ଧାରେ 3, ନୟାଗଡ ରେ 13, ସୁନ୍ଦରଗଡରେ 4, ଜଗତସିଂହପୁରରେ 1 , ଅନୁଗୁଳରେ 6, ବଲାଙ୍ଗୀରରେ 7, ମାଲକାନଗିରିରେ 2, ଢେଙ୍କାନାଳ 1 ଏବଂ ନୂଆପଡାରେ ମଧ୍ୟ ଜଣେ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
ରାଜ୍ୟରେ 1336 ଜଣ ଆକ୍ରାନ୍ତ ହୋଇଥିବା ବେଳେ 832 ଜଣ ସକ୍ରିୟ ରହିଛନ୍ତି । ସେହିପରି 497 ଜଣ ସୁସ୍ଥ ହୋଇଥିବା ବେଳେ 7 ଜଣଙ୍କର ମୃତ୍ୟୁ ହୋଇଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
