ଭୁବନେଶ୍ବର: ପଶ୍ଚିମବଙ୍ଗରେ କୋରୋନା ସଂକ୍ରମଣ ବଢୁଥିବାରୁ ଆଜି(ଶୁକ୍ରବାର)ଠାରୁ ରାଜ୍ୟରେ ପଶ୍ଚିମବଙ୍ଗ ସୀମାକୁ ସିଲ କରିଛନ୍ତି ରାଜ୍ୟ ସରକାର । ରାଜ୍ୟରେ ସଂକ୍ରମଣ ରୋକିବା ପାଇଁ ସରକାର ବିଭିନ୍ନ ପଦକ୍ଷେପ ନେଉଥିବା ବେଳେ ଦିନକୁ ଲକ୍ଷେ ଟେଷ୍ଚିଂ କରିବା ପାଇଁ ବିଜେପି ନେତା ବିଜୟ ମହାପାତ୍ର ସାମ୍ବାଦିକ ସମ୍ମିଳନୀ ମାଧ୍ୟମରେ କହିଛନ୍ତି ।
ରାଜ୍ୟରେ କୋରୋନା ସଂକ୍ରମଣ ବଢୁଥିବାରୁ ରାଜ୍ୟ ସରକାର ଟେଷ୍ଟିଂ ବଢାଇବା ଦରକାର । ସେପଟେ ଟେଷ୍ଟିଂ କିଟର ଅଭାବ ଯୋଗୁଁ ଟେଷ୍ଟିଂ ଅଧିକ ହୋଇପାରୁନଥିବା ବିଜୟ ଅଭିଯୋଗ କରିଛନ୍ତି । ରାଜ୍ୟ ସରକାର ପଶ୍ଚିମବଙ୍ଗ ପ୍ରସଙ୍ଗକୁ ଗୁରୁତର ସହିତ ନେବା ଆବଶ୍ୟକ । ଓଡିଶା ଓ ପଶ୍ଚିମବଙ୍ଗକୁ ଯାତାୟାତ କରିବା ପାଇଁ ଅନେକ ରାସ୍ତା ରହିଛି । ତେବେ ସବୁ ରାସ୍ତାକୁ ସରକାର ଜଗିବା ଦରକାର । ପୋଲିସ ଫୋର୍ସ ଓ ମୋବାଇଲ ଭ୍ୟାନକୁ ଅଧିକ କରିବା ଦରକାର ।
ବର୍ତ୍ତମାନ ଦେଶରେ ସଂକ୍ରମଣ ବଢୁଥିବାରୁ ପ୍ରବାସୀମାନେ ରାଜ୍ୟକୁ ଫେରୁଛନ୍ତି । ତେବେ ସେମାନଙ୍କ ଉପରେ ଅଧିକ ଧ୍ୟାନ ଦିଆଯାଉ । ଗଣମାଧ୍ୟମ ପ୍ରିତିନିଧିମାନେ କୋରୋନା କାଳରେ ଅହରହ ସେବା ଯୋଗାଇ ଆସୁଥିବାରୁ ସେମାନଙ୍କୁ ସମ୍ମୁଖ ଯୋଦ୍ଧା ଘୋଷଣା କରାଯିବା ସହ ଟିକା ଦିଆଯାଉ ବୋଲି ବିଜୟ କହିଛନ୍ତି । ଏହାସହିତ ସରକାରଙ୍କ ଅକ୍ସିଜେନ ପଠାଇବାକୁ ସେ ପ୍ରଶଂସା କରିଛନ୍ତି ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
